តាមរយៈគណនីហ្វេសប៊ុក ឈ្មោះ Lina Manuth ហៅ អានី (ចៅស្រីបង្កេីត) អតីតបុគ្គលនៅផលិតកម្មខ្មែរមេគង្គបាន បង្ហោះព័ត័មានដ៍សោកសៅមួយបានប្រាប់ថា វីរៈសិល្បករជើងចាស់ លោក យាយ ចាន់ ស៊ីផាន់ បានទទួលមរណៈភាពហើយ ក្នុងជន្មាយុ ៩៣ឆ្នាំ ដោយមានជំងឺរលាកពោះវៀន ,ថ្លេីម និងចាស់ជរា វេលាម៉ោង៤រសៀល ថ្ងៃទី១១ ខែវិច្ឆិកា ឆ្នាំ២០១៧ នៅគេហដ្ឋានរបស់លោកយាយ ខាងក្រោយស្ថានទូតចិន។
សូមចូលរួមរំលែកទុក្ខដល់គ្រួសារសព និងសូមជូនដំណឹងនេះដល់សិល្បករទាំងអស់ជ្រាបដំណឹង សូមជួយចែករំលែកដំណឹងនេះបន្តផង!
សូមជម្រាបជូនផងដែរថា អ្នកស្រី ចាន់ សុីផាន់ ជាសិល្បករជើងចាស់ ដែលធ្លាប់បន្សល់ទុកស្នាដៃភាពយន្តខ្មែររាប់សិបរឿងកន្លងមក ហើយលោកយាយក៏បានបង្ហើបនូវបំណងប្រាថ្នាចុងក្រោយរបស់លោកយាយថាចង់ជួបមុខសិល្បករខ្មែរទាំងអស់ដែលធ្លាប់ស្គាល់ និងគាំទ្រភាពយន្តរបស់លោកយាយកន្លងមកនាដង្ហេីមចុងក្រោយនេះ។