សិល្ប:ករ អឹុម ជីវ៉ា តែងតែ មានសកម្មភាព ជារឿយៗក្នុងកាងារ សប្បុរសធម៍ ។ កន្លងទៅថ្មីៗនេះ លោកបានរៀបរាប់ ជាការក្រើនរំលឹក តាមរយ:គណនី ហ្វេសប៊ុក ផ្ទាល់ខ្លួនលោកថា ដល់យុវជន ÷
"ខ្ញុំមិនមែនជាអ្នកមានទេ អ្វីដែលខ្ញុំធ្វើគឺចេញពីទឹកចិត្តចែករំលែកក្នុងនាមជាអ្នកក្រដូចគ្នា! ខ្ញុំជូនរបស់របស់របរនិងថវិការតិចតួចដល់បងៗដែលជាជនពិការដែលច្រៀងតាមភ្លើងស្តុបនានាក្នុងរាជធានីភ្នំពេញ ក្នុងន័យចង់ប្រាប់ដល់ប្អូនៗយុវវ័យមួយចំនួនអោយចេះគិតពិចារណាអោយបានខ្ពស់ កុំខូចចិត្តរឿងស្នេហា ឬបាត់បង់ការតិចតួច ខូចចិត្តគិតខ្លីទៅសម្លាប់ខ្លួន កុំគិតខ្លីក្នុងរូបភាពណាមួយដែលធ្វើអោយក្រុមគ្រួសារពិបាកចិត្តនិងប៉ះពាល់ដល់សង្គមជាតិដោយសារយើងម្នាក់ឯង ។
ប្អូនៗពិចារណាមើល បងៗគាត់ជាជនពិការភ្នែកទាំងគូ ពិការដៃ ពិការជើង តែពួកគាត់នៅតែតស៊ូដើម្បីជិវិត ! ចុះប្អូនៗមួយចំនួនមានផ្ទះនៅ មានមូ៉តូឡានជិះ មានសម្ភារះល្អៗប្រើ ហេតុអីប្អូនៗត្រូវអាដៃ អាជើង ឬចង់សម្លាប់ខ្លួនដោយសាតែស្នេហាបោកប្រាស់ឬខាតការងារបុ៉ណ្ណឹងនោះ ! បើប្អូនគិតខ្លីហាក់បីដូចមិនស្រលាញឳពុកម្តាយនិងក្រុមគ្រួសារចឹង ! ប្អូនៗអត់ស្នេហាអាចរកស្នេហាមួយថ្មីបាន តែបើប្អូនៗអត់ឳពុកម្តាយប្អូនៗមិនអាចរកថ្មីបានឡើយ ! បើមានដង្ហើមកុំអស់សង្ឃឹម ! នេះគ្រាន់តែគំនិតមួយជ្រុងតូចរបស់បងទេ តែបើធ្វើអោយប៉ះពាល់ដល់អារម្មណ៍ប្អូនៗបងសុំទោសទុកជាមុន ។ ដោយក្តីគោរពៈ អឹុម ជីវ៉ា"
