Update ៖ ឃាតក​កាត់ក្បាលយាយ និងចៅ នៅស្រុកព្រៃឈរ សមត្ថកិច្ចចាប់ខ្លួនបានហើយ

កំពង់ចាមៈ ករណីឃាតកម្ម កាត់ក្បាល យាយ និងចៅ កាលពីព្រឹកថ្ងៃទី៣ ខែមេសា ឆ្នាំ២០១៩ ក្នុងភូមិត្រពាំងបឹង ឃុំថ្មពូន ស្រុកព្រៃឈរ ខេត្តកំពង់ចាម ឃាតកត្រូវបានសមត្ថកិច្ច ឃាត់ខ្លួនបានហើយ នៅព្រឹកថ្ងៃទី៦ មេសានេះ។

លោកឧត្តមសេនីយ៍ត្រី ហេង វុទ្ធី ស្នងការរង ទទួលផែនការងារនគរបាលព្រហ្មទណ្ឌ បានបញ្ជាក់ថា ឃាតក​ឈ្មោះ ស៊ឹម ខេង ភេទប្រុស អាយុ៥៥ឆ្នាំ ជាតិខ្មែរ នៅភូមិត្រពាំងបឹង ឃុំថ្មពូន ស្រុកព្រៃឈរ ខេត្តកំពង់ចាម ក្បែរផ្ទះជនរងគ្រោះ ។ ចំណែក​ជនរងគ្រោះ២នាក់ ត្រូវបានឃាតក កាត់ក្បាល យកទៅបាត់ ឈ្មោះ ពូ អូន ភេទស្រី អាយុ៦៥ឆ្នាំ និងចៅឈ្មោះ ខេង សាវឿន ភេទស្រី អាយុ០៦ឆ្នាំ រស់នៅភូមិកើតហេតុ​។

លោកឧត្តមសេនីយ៍ត្រី ហេង វុទ្ធី បានបន្តថា ករណីខាងលើនេះ​ ជារឿងគំនុំរហូតឈាន​ដល់កាប់សម្លាប់យ៉ាងព្រៃផ្សៃបែបនេះ ។ បច្ចុប្បន្នឃាតក ត្រូវបាន​សមត្ថកិច្ចនាំខ្លួនទៅស្នងការខេត្ត ដើម្បីសាកសួរបន្តនីតិវិធី៕ ផ្ដល់សិទ្ធិដោយ campost