សង្គម
អាម៉ាប៉ាប៉ាញ៉ូសតាមរយៈឥទ្ធិពលពីជ្រលងសម្ពាធទាប និងខ្យល់មូសុងនិរតីខ្សោយ បណ្ដាលឲ្យភ្លៀងបន្តធ្លាក់រាយប៉ាយនៅតាមបណ្ដាខេត្តនានា ទូទាំងប្រទេសកម្ពុជាចាប់ថ្ងៃទី៥ ដល់១១ ខែសីហា។ នេះបើតាមការជូនដំណឹងរបស់ក្រសួងធនធានទឹក នៅថ្ងៃទី៤ ខែសីហា។
បណ្ដាខេត្ត នៅតំបន់វាល់ទំនាបកណ្ដាល សីតុណ្ហភាពអប្បរបរមា មានពី ២៥អង្សាសេ ដល់ ២៧អង្សាសេ និង សីតុណ្ហភាពអតិបរមាពី ៣០ ដល់ ៣២អង្សាសេ នឹងមានភ្លៀងធ្លាក់រាយប៉ាយ ក្នុងកម្រិតទឹកភ្លៀងកើនឡើងពីតិចទៅច្រើន។
សម្រាប់បណ្ដាខេត្តនៅតំបន់ជួរភ្នំដងរែក និងខ្ពង់រាបឦសាន សីតុណ្ហភាពអប្បបរមា មានចន្លោះពី ២៣ ដល់ ២៥អង្សាសេ និងសីតុណ្ហភាពអតិបរមា ចន្លោះពី ២៨ ដល់ ៣០អង្សាសេ ព្រមទាំងមានភ្លៀងធ្លាក់រាយប៉ាយក្នុងកម្រិតពីតិចទៅច្រើន។
ចំពោះ ផ្នែកតំបន់មាត់សមុទ្រ តុណ្ហភាពអប្បបរមា មានចន្លោះពី ២៤ ដល់ ២៦អង្សាសេ និងសីតុណ្ហភាពអតិបរមា ចន្លោះពី ៣០ ដល់ ៣២អង្សាសេ ហើយនឹងមានភ្លៀងធ្លាក់រាយប៉ាយក្នុងកម្រិតតិចទៅបង្គួរ។ ដោយឡែកនៅនៅស្អែក អាចនឹងមានភ្លៀងធ្លាក់ខ្លាំង។
ក្រសួងអំពាវនាវ ឲ្យសារធារណជនប្រុងប្រយ័ត្នចំពោះបាតុភូត ផ្គរន្ទះ ខ្យល់កន្រ្តាក់ និងរលកសមុទ្រ ដែលនៅតែបន្តកើតឡើងនារដូវវស្សានេះ៕