រាជធានីភ្នំពេញ៖ អាចថាជាទឹកចិត្តរបស់បងប្រុស ចំពោះប្អូនស្រី បូកផ្សំនិងការមានបានរបស់ខ្លួន លោកឧកញ៉ា ឌួង ឆាយ បានត្រៀមកាដូជារថយន្តមួយគ្រឿងម៉ាក Bentley ស៊េរីខ្ពស់ ដែលមានតម្លៃខ្ទង់៣០ម៉ឺនដុល្លារ ដើម្បីចងដៃក្នុងពិធីរៀបមង្គលការ ប្អូនស្រីរបស់លោក។ ក្នុងវីដេអូឡាយផ្ទាល់របស់លោក ឧកញ៉ា ឌូង ឆាយ បាននិយាយថានេះគឺជាកាដូ សម្រាប់ប្អូនស្រីតែម្នាក់គត់របស់លោក។
ដោយឡែកសម្រាប់ថ្ងៃហែជំនួនសម្រាប់ព្រឹកថ្ងៃស្អែកវិញ មានរថយន្តរាប់សិប គ្រឿង ហើយលោកបញ្ជាក់ថា រថយន្តទាំងនេះជាកម្មសិទ្ធផ្ទាល់ របស់គ្រួសារលោក។
ក្នុងវីដេអូឡាយផ្ទាល់នោះមានការបញ្ជេញមតិ អបអរសាទរ និងកោតសរសើរដល់ ទឹកចិត្តរបស់លោកចំពោះប្អូនស្រី។ ជាមួយគ្នានោះ ដោយឃើញឡានច្រើនពេក ក៏មានអ្នកខ្លះបញ្ចេញមតិថា "ឡានរបស់លោកឧកញ៉ាមានច្រើនដូចមាន់ក្នុងផ្ទះរបស់ខ្ញុំ"៕
វីដេអូ៖
ផ្តល់សិទ្ធិដោយ៖KQUBE
