លេចចេញជំនឿថ្មីមួយប្រភេទទៀត ដែលកំពុងតែទទួលបានការចាប់អារម្មណ៍ពីសំណាក់អ្នកលេងបណ្ដាញសង្គមហ្វេសប៊ុក ជាមួយនិងមតិរិះគន់ ថានេះជាទង្វើបោកប្រាស់ របស់អ្នករកស៊ីរបរប្រភេទនេះ។ សូម្បីតែព្រះភិក្ខុ សាន សុជា ក៏បានសម្ដែងការមិនពេញចិត្ត ជាមួយនឹងជំនឿប្រភេទនេះ ដោយលោកបានបញ្ចេញសំណេរមួយតាមរយៈទំព័រហ្វេសប៊ុក San Sochea ថា "បោកបានចេះតែបោកទៅ... បោកបានតែជនជាតិឯង... លោតែគាត់ហ្នឹងចេះហោះទៀត ប្រាកដជាគ្មានកន្លែងដាក់មនុស្សទេ"។
តាមរយៈវីដេអូដែលមានការចែករំលែកតៗគ្នា យើងអាចសង្កេតឃើញមានមនុស្សម្នាក់ បានទ្រង់គ្រឿង ដូចជាព្រះអាទិទេព កំពុងឲ្យឱវាទទៅកាន់អ្នកដែលមានជំនឿមកលើរូបគេ មួយសន្ទុះមានការលេងភ្លេងបែបបុរាណ ដោយមានមនុស្សស្រីពីរបីនាក់ ស្លៀកពាក់បែបអប្សរា រេរាំជាមួយបុរសដែលតាំងខ្លួនជាអាទិទេព៕
សូមទស្សនាវីដេអូខាងក្រោមនេះ ហើយពិចារណាតាមការគួរ៖
ផ្តល់សិទ្ធិដោយ៖KQUBE
