ផ្លែស្វាយបងប្អូនអ្នកស្រុកស្រអែម ខេត្តព្រះវិហារ ចំនួន ១.១៣៤ កេះស្មើនឹង ៦.៥០០គីឡូក្រាម នៅម៉ោង៤:៥០នាទីល្ងាចថ្ងៃម្សិលមិញ បានជិះយន្តហោះ QATAR AIRWAY Flights ឆ្ពោះទៅកាន់ប្រទេសបារាំងទៀតហើយ ដែលជាជើងទី១១បើគិតចាប់តាំងពីរដូវប្រមូលផលផ្លែស្វាយ ខែវិច្ឆិកា ឆ្នាំ២០១៦ រហូតមកដល់ពេលបច្ចុប្បន្ននេះ។ នេះបើតាមហ្វេសប៊ុក Mong Reththy Group Co.,Ltd។
ផ្លែស្វាយដែលបាននាំចេញនៅបារាំងនេះ គឺស្ថិតនៅក្រុមស្លាកយីហោក្រុមហ៊ុន KINGDOM FRUITS INTERNATIONAL គឺជាក្រុមហ៊ុន បុត្រសម្ព័ន្ធរបស់ ក្រុមហ៊ុន ម៉ុង ឫទ្ធី គ្រុប។
ដូច្នេះសូមបងប្អូនបន្តយកចិត្តទុកដាក់ការថែរក្សា ដំណាំផ្លែស្វាយរបស់បងប្អូនបន្តទៀត ដើម្បីទទួលបានទិន្នផលល្អស្របតាមស្តង់ដារផ្លែស្វាយ ដែលជាកត្តាមួយធ្វើឲ្យបងប្អូនទទួលបានតម្លៃខ្ពស់ក្នុងការលក់ចេញនិងងាយរកទីផ្សារ៕
