រាជធានីភ្នំពេញ៖ ក្រោយមានភ្លៀងធ្លាក់ជាបន្តបន្ទាប់ទៅស្ទើរទូទាំងប្រទេសកម្ពុជា នៅព្រឹកថ្ងៃទី២៧ ខែកក្កដានេះ ប្រមុខរដ្ឋាភិបាលកម្ពុជា រួមទាំងរដ្ឋបាលរាជធានីខេត្ត បានសេចក្តីជូនដំណឹងជាហូរហែរ ដើម្បីក្រើនរំលឹកឲ្យប្រជាពលរដ្ឋទាំងអស់ឲ្យមានប្រុងប្រយ័ត្នខ្ពស់ចំពោះជំនន់ទឹកភ្លៀងឡើងដល់កម្រិតប្រកាសអាសន្ន។
ជាក់ស្តែងស្ថានកម្ពស់ទឹកទន្លេក៏មានការកើនឡើងឥតឈប់ ដែលធ្វើឲ្យភូមិឃុំមួយចំនួននៅក្នុងខេត្តភូមិភាគជើងនិងភាគនិរតី មានដូចជា ខេត្តឧត្តរមានជ័យ ព្រះវិហារ ក្រចេះ ស្ទឹងត្រែង បន្ទាយមានជ័យ កំពង់ចាម កំពត និងខេត្តមួយចំនួនទៀតបាននិងកំពុងវាយប្រហារដោយសារជំនន់ទឹកភ្លៀងនេះ។
ដោយឡែកបើតាមការប្រកាសរបស់ក្រសួងធនធានទឹក បានអោយដឹងថា ក្នុងរដូវវស្សាឆ្នាំនេះកម្ពុជាអាចនឹងទទួលរងនូវឥទ្ធិពល ENSO Neutral Condition ដែលបង្កអោយមានភ្លៀងធ្លាក់ពីកម្រិតមធ្យមទៅច្រើន ដែលធ្វើអោយទឹកក្នុងអាងទន្លេមេគង្គ និងទាំងនៅក្នុងប្រទេសកម្ពុជាទាំងមូលមានការកើនឡើង។ ដូច្នេះសូមបងប្អូនមានប្រុងប្រយ័ត្នខ្ពស់ ជាពិសេសកុំឲ្យក្មេងៗតែម្តង ដើម្បីជៀសវាងមានគ្រោះថ្នាក់ជាយថាហេតុ៕
