នេះជាជោគជ័យលើកដំបូង ដែលប្រទេសអីុរ៉ង់ បាញ់សាកល្បងគ្រាប់រ៉ុកកែត ដែលផ្ទុកផ្កាយរណបខ្នាតតូច ដើម្បីសិក្សានៅលើគន្លងគោចរផែនដី។ បើយោងតាមគេហទំព័រសារព័ត៌មាន រុស្ស៊ី (RT) បានចេញផ្សាយនាយប់ថ្ងៃព្រហស្បតិ៍ ទី២៧ ខែកក្កដា ឆ្នាំ២០១៧។
ទូរទស្សន៍រដ្ឋាភិបាលមជ្ឈមណ្ឌលអីុរ៉ង់ បានប្រកាសឲ្យដឹងថា មជ្ឈមណ្ឌលអវកាស អីុម៉ាមខីមីនី (Imam Khomeini Space Centre) បាញ់សាកល្បងយានគ្រាប់រ៉ុកកែត Simorgh (Phoenix) ដែលផ្ទុកផ្កាយរណបមានទម្ងន់រហូតដល់ ២៥០គីឡូក្រាម បញ្ជូនទៅក្នុងតារាវិថីដែលមានចម្ងាយ ៥០០គីឡូម៉ែត្រ ពីផែនដី។
គួរបញ្ជាក់ផងដែរថា នៅឆ្នាំ២០១៦ មន្ត្រីយោធារុស្ស៊ី និងអាមេរិក បានរាយការណ៍អំពីការបាញ់សាកល្បងទំនងជាបញ្ចប់ដោយសារតែបរាជ័យ ចាប់តាំងពីអីុរ៉ង់មិនបានប្រកាសជាផ្លូវការ៕
