នាវាផ្ទុកយន្តហោះសេរីថ្មីរបស់អង់គ្លេស នឹងត្រូវដាក់ពង្រាយក្នុងតំបន់កំពុងមានជម្លោះ ស្របពេលដែលភាពតានតឹងដែនសមុទ្រមានការកើនឡើងរវាងប្រទេសទាំងពីរ។ នេះបើយោងតាមគេហទំព័រសារព័ត៌មាន អង់គ្លេស (express) បានចុះផ្សាយនាព្រឹកថ្ងៃសុក្រ ទី២៨ ខែកក្កដា ឆ្នាំ ២០១៧។
រដ្ឋលេខាធិការក្រសួងការបរទេសចក្រភពអង់គ្លេសលោក Boris Johnson បានបង្ហាញពីនាវាផ្ទុកយន្តហោះ COLOSSAL ដែលត្រូវបានរៀបចំឡើង ដើម្បីបង្ហាញពីការគាំទ្ររបស់ចក្រភពអង់គ្លេស សម្រាប់សិទ្ធិនាវាចរណ៍ក្នុងដែនទឹកអន្តរជាតិ នៅពេលដែលប្រទេសចិនកំពុងព្យាយាមទាមទារសមុទ្រចិនខាងត្បូងជារបស់ខ្លួន។
ទន្ទឹមនឹងនេះ អ្នកនាំពាក្យក្រសួងការបរទេសចិនលោក Geng Shuang បានអះអាងថា "មូលដ្ឋានទ័ពដែលបានកសាងនៅលើកោះក្នុងសមុទ្រចិនខាងត្បូង គឺសម្រាប់ប្រយុទ្ធប្រឆាំងនឹងការប៉ុនប៉ងឈ្លានពានពីប្រទេសណាមួយ ដែលធ្វើឲ្យប៉ះពាល់ដល់អធិបតេយ្យភាព និងសន្តិសុខរបស់ខ្លួន"៕
