ថ្មីៗនេះ លោកអភិបាល ខ័ណ្ឌ ជ្រោយចង្វារ បាន ចែកអំណោយ ដល់តារាចម្រៀង រិន សាវ៉េត ហើយជាមួយគ្នានោះដែរ លោក ឃ្លាំង ហួត ដែលជា អភិបាល ខ័ណ្ឌ ជ្រោយចង្វារ បានរៀបរាប់បើកទម្លាយជីវិតដ៍កម្សត់ របស់តារា ចម្រៀង រិន សាវ៉េត ក្នុងគណនី អ៊ីនស្តាក្រាម និងហ្វេសប៊ុក ផ្ទាល់ខ្លួនលោក ដែលមានឈ្មោះថា Khliang Huot ÷
" ខ្ញុំបានផ្ដល់ម៉ូតូ១គ្រឿងដល់អ្នកចំរៀង រិន សាវ៉េត ។ ពិតជាអាណិត សាវ៉េត ណាស់ គាត់ជាអ្នកផ្សងព្រេងពីខេត្តបន្ទាយមានជ័យមកការងារជាជាងសំណង់នៅរាជធានីភ្នំពេញ បន្ទាប់មកក្លាយខ្លួនជាតារាចំរៀងដ៏ល្បី ភាពជាមនុស្សស្លូតបូតរបស់សាវ៉េត ត្រូវបានឯកោគ្មានអ្នកជួយទំនុកបំរុង សាវ៉េត រស់នៅផ្ទះជួលជាមួយប្រពន្ធនិងកូនក្នុងជីវភាពលំបាក តើខ្ញុំជាអ្នកមកពីបន្ទាយមានជ័យដែរ គឺមិនអាចអោបដៃមើលសាវ៉េតរស់នៅក្នុងស្ថានភាពលំបាកបែបនេះបានឡើយ អ្វីដែលខ្ញុំជួយសាវ៉េតបានគឺខ្ញុំជួយ ។
រឹន សាវ៉េតជាមនុស្សល្អ ទន់ភ្លន់ស្លូតបូត មិនចេះអែបអប រស់តាមសម្ថតភាពខ្លួនអែង ។ សំណួសួរខ្ញុំថា ម្ដេចបានជាខ្ញុំត្រូវជួយរឹនសាវ៉េត? ចំលើយរបស់ខ្ញុំចង់បញ្ជាក់ថា សាវ៉េតជាតារាចំរៀង ច្រៀងបទលំនាំដើមបានពិរោះ ហើយស្ថឹតនៅក្នុងជួតារាល្បី ដោយមូលហេតុភាពស្លូតបូតទន់ភ្លន់មិនចេះត្អូញសុំ គឺធ្វើអោយអ្នកដ៏ទៃមើលរំលង ។
ខ្ញុំបានប្រាប់សាវ៉េតថា ចាប់ពីថ្ងៃនេះតទៅខិតខំតស៊ូក៏សាងជីវិតបន្តទៀតទៅមុខទៀត ខ្ញុំនៅជាមួយសាវ៉េតជានិច្ច ខ្ញុំសូមថ្លែងអំណរគុណដល់ឧកញ៉ា សៅ វល្ស័ក ដែលបានផ្ដល់ទុនការសិក្សាដល់កូនរិនសាវ៉េត ។សូមអោយវប្បធម៏ចែករំលែកស្ថឹតនៅក្នុងក្រអៅបេះដូងខ្មែរគ្រប់ៗគ្នា"
