Sponsor

ប្រយ័ត្ន ៗ ! កើតឡើងចំពោះលោកអ្នក។ យប់មិញ្ញប្រហែលម៉ោង៨ តាមផ្លូវកូរេ៉ជិតដល់ផ្លូវបំបែក បាឡុង មុខអង្គរវត្ត ស្រាប់តែមានបុរសក្មេងរាងខ្មៅបន្តិចជិះម៉ូតូតាមទិសផ្ទុយខ្ញុំ ធ្វើជាដួលម៉ូតូយ៉ាងស្តែងរួចហៅខ្ញុំឲ្យឈប់ដើម្បីជួយ។

ខ្ញុំកំពុងតែឌុបកូននិងប្រពន្ធពេញម៉ូតូ គិតក្នុងចិត្តស្រេចថាទោះបីជាម្នាក់នោះដួលម៉ូតូពិត ឬ ប្រើល្បិចក៏ដោយក៏ខ្ញុំមិនចុះជួយដែរព្រោះទីនោះមានដុបកម្ពោតស្ងាត់ជ្រងុំ ហើយភ្លាមៗនោះមានបុរសចិត្តល្អម្នាក់ជិះម៉ូតូស្របតាមទិសខ្ញុំស្រែកប្រាប់ខ្ញុំថា "បងកុំឈប់! ! ! "

គាត់បន្តទៀតថាករណីបោកបញ្ឆោតធ្វើជាដួលម៉ូតូ ហើយស្រែកឲ្យជួយបែបនេះមានច្រើនករណីណាស់ដែលមានការចែកចាយឲ្យប្រយត័្នខ្លួន តាមបណ្ដាញសង្គមផងដែរ។ ពេលដែលប្រពន្ធខ្ញុំងាកក្រោយមើលបុរសដែលធ្វើពុតជាដួលម៉ូតូនោះ វាងើបគ្រូស! ហើយថែមទាំងខាំមាត់ខឹងទៀតផង ដោយសារតែវាខកបំណងរបស់វា។

ទោះបីជាមានអ្នកណាម្នាក់ស្រែកឲ្យលោកអ្នកជួយនៅពេលយប់ ឬ ទីស្ងាត់ លោកអ្នកគួរតែប្រញាប់រាយការណ៏ជាបន្ទាន់ដល់ប៉ូលីសដើម្បីពិភាក្សាយោបលថាករណីនោះជាការពិតឬជាការបោកបញ្ឆោត ហាមដាច់ខាតជួយជនរងគ្រោះដោយគ្មានការអន្តរាគមន៏ពីប៉ូលីស ឬ គ្នីគ្នាច្រើន។ សូមជួយចែកចាយដំណឹងនេះដើម្បីសុវត្ថិភាពដល់ក្រុមគ្រួសារនិងប្រជាពលរដ្ឋយើងទាំងអស់គ្នា។ សូមអរគុណ!

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post
Sponsor