
ខេត្តត្បូងឃ្មុំ៖ កាលពីវេលាម៉ោង១១និង៥នាទីថ្ងៃទី២១ធ្នូ ២០១៦ នៅចំណុចលើភ្លឺស្រែ ខាងត្បូងភូមិបង្គៅ ឃុំទ្រៀក ស្រុកមេមត់ ខេត្តត្បូងឃ្មុំ។ ដោយមានទារកសែនអភព័្វម្នាក់ត្រូវបានគេប្រទះឃើញ មានមនុស្សយកទៅផ្លុងចោលនៅភ្លឺស្រែ ប៉ុន្តែដោយសារតែបុណ្យពីអតិតជាតិទើបជួបនិងបុរសចិត្តធម៍រើសយកទៅចិញ្ជឹមជាកូនរបស់គាត់តែម្តង។
យោងតាមសមត្ថកិច្ចមូលដ្ឋានបានឲ្យដឹងថា មានបុរសម្នាក់ ឈ្មោះ ស្តើង ថេង ភេទប្រុសអាយុ ៣១ ឆ្នាំ ជាតិខ្មែររស់នៅភូមិដារលិច ឃុំដារ ស្រុកមេមត់ ខេត្តត្បូងឃ្មុំ បានទៅស្រែរបស់ខ្លួនប្រមូលកន្តាប់ស្រូវ នៅខាងត្បូងភូមិបង្គៅ ឃុំទ្រៀក ស្រុកមេមត់ ខេត្តត្បូងឃ្មុំ ។ ខណៈពេលទៅដល់ស្រែរបស់គាត់បានឃើញទាយកអាយុប្រហែលពីរទៅបីថ្ងៃរុំដោយក្រណាត់ពណ៍ផ្ទៃមេឃនៅលើភ្លឺស្រែនោះ ដោយមិនដឹងថាម្តាយឪពុកក្មេងនោះនៅឯណាហើយយកមកបោះប្លុងចោលគួឲ្យសង្វេក ។
សមត្ថកិច្ចបានបន្តថា ក្រោយមកបុរសខាងលើបានយកក្មេងនោះមកកាន់ប៉ុស្តិ៍នគរបាលដារដើម្បីរៀបរាប់ប្រាប់ពីហេតុការណ៍ បន្ទាប់មកកម្លាំងប៉ុស្តិ៍នគរបាលដារបានធ្វើកំណត់ហេតុ និងរបាយការណ៍គោរពជូនលោកអធិការ ទើបគាត់បានសំរេចចិត្តយកទារកនោះទៅចិញ្ជឹមធ្វើរជាកូនរបស់គាត់តែម្តង ៕

ផ្តល់សិទ្ធិដោយ៖VD7News.com