√ ពិតជាអាណោចអាធ័ម...កូនប្រុសជាទីស្រលាញ់ ចាប់ពីថ្ងៃនេះទៅ..ម្ដាយលែងបានថ្នាក់ថ្នមកូនទៀតហើយ..កូន !!

ឧត្ដរមានជ័យ៖ ក្មេងប្រុសបីនាក់លង់ទឹកស្លាប់ទាំងបីនៅក្នុងទឹកស្រះតែមួយហេតុការធ្វើឱ្យមានការភ្ញាក់ផ្អើលដល់ប្រជាពលរដ្ឋនៅទូទាំងស្រុកអន្លង់វែង ដោយសារតែក្មេងប្រុសប្រុសបីនាក់ លង់ទឹកស្លាប់ នៅក្នុងស្រះទឹកតែមួយ ដែលមានចម្ងាយប្រមាណជា ១៥០ ម៉ែត្រ ពីភូមិអូរតាមែង ឃុំ-ស្រុកអន្លង់វែង ខេត្តឧត្តរមានជ័យ។

ករណីនេះ បានធ្វើឱ្យប្រជាពលរដ្ឋ នៅក្នុងភូមិមានការភ្ញាក់ផ្អើលឆោឡោនាំគ្នារត់ជួយស្រង់ក្មេងចេញពីទឹកស្រះ កាលពីវេលាម៉ោង៥ ល្ងាចថ្ងៃទី នៅថ្ងៃទី១៣ ខែធ្នូ ឆ្នាំ២០១៦ បន្ទាប់ពីម្ថាយឪពុក និងសាច់ញាតិ ដើររកកុមាររងគ្រោះឱ្យហូបបាយ ហើយបានចុះរាវ នៅក្នុងទឹកស្រះ ក៏ប្រទះឃើញសាកសពកុមារ។

លោក ងួន ធីរិទ្ធិ មេបញ្ជាការកងរាជអាវុធហត្ថ បានឱ្យដឹងថា កុមារបីនាក់បានលង់ទឹកស្រះនៅក្បែរភូមិស្លាប់ទាំងបីនាក់ ដែលកុមារ រងគ្រោះ ទី១ឈ្មោះ កិ សុខល័ក្ខ ភេទប្រុស អាយុ ៩ឆ្នាំ និងទី២ឈ្មោះ កិ សុខឡា ភេទប្រុស អាយុ ៦ឆ្នាំ និងទី៣ឈ្មោះ ណេង ណាណែត ភេទប្រុសអាយុ ៤ឆ្នាំ ដែលត្រូវជាក្មួយរបស់កុមារទាំងពីរនាក់ខាងលើ ហើយមានទីលំនៅគ្នា ក្នុងភូមិ-ឃុំ កើតហេតុខាងលើ។

លោកមេបញ្ជាការបន្តថា ករណីក្មេងស្លាប់ទាំងបីនាក់ បានស្លាប់ដោយសារលង់ទឹកស្រះ ហើយបើយោងតាមសមត្ថកិច្ចបានសាកសួរ ឪពុកកុមាររងគ្រោះឈ្មោះ ឡន ភាព អាយុ ៤២ឆ្នាំ និងម្តាយឈ្មោះ ឃីម រុំ អាយុ ៣៨ឆ្នាំ ហើយក៏ត្រូវជាតាយាយបង្កើតចៅឈ្មោះ ណែង ណាណែត ។ ដោយអ្នកទាំងពីរបានរៀបរាប់ថា នៅមុនពេលកើតហេតុ ក្នុងអំឡុងម៉ោងជា ៤ល្ងាច កុមាររងគ្រោះទាំងបីនាក់ ដែលជាកូនទាំងពីរ និងចៅម្នាក់ បាននាំគ្នារត់លេងផេះចំបើង ដោយប្រឡាក់ខ្លួន ក៏នាំគ្នាចុះទៅលាងខ្លួន នៅក្នុងទឹកស្រះដែលមានចំងាយពីផ្ទះប្រមាណជា១៥០ម៉ែត្រ តែពួកគាត់បានហាមកូនបងឈ្មោះ កិ សុខល័ក្ខ ឱ្យមើលប្អូន និងក្មួយ ឱ្យលេងតែទឹករាក់បានហើយ ដែលពេលនោះពួកគាត់សំអាងថា ទឹកស្រះស្រក់អស់ ហើយទឹករាក់ថែមទៀត។ លុះដល់បាត់លឺមាត់ក្មេងរងគ្រោះ និងរៀបចំបាយទឹក ក៏ដើររក តែរកមិនឃើញ ក៏នឹកឃើញទឹកស្រះ ហើយឃើញស្បែកជើងកូន និងចៅ នៅមាត់ស្រះ ដោយមានការសង្ស័យ ក៏ចុះរាវទឹកស្រះ ឃើញកុមារទាំងបីនាក់ តែជាអកុសល បានស្លាប់បាត់បង់ជីវិតទៅហើយ។

លោកបន្តថា ក្រោយពីពិនិត្យសាកសពឃើញថា កុមាររងគ្រោះបានស្លាប់ដោយសារលង់ទឹកពិតប្រាកដមែន បច្ចុប្បន្នសាកសព បានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕ ដោយ៖ មានជ័យ