√ សាហាវណាស់ !!ស្រាទៀតហើយ ទាញចបកាប់សម្លាប់ប្រពន្ធ ចោលសពនៅក្រោមផ្ទះគួរឲ្យសង្វេគ

ខេត្តក្រចេះ ៖ មានហេតុការណ៍បង្កមានការភ្ញាក់ផ្អើលទាំងភូមិមួយកាលពីវេលាម៉ោង១៥និង៤៥នាទីរសៀលថ្ងៃទី១២ ធ្នូ ២០១៦ នេះដោយសារតែ អំពើឃាតកម្មប្ដីប្រើចបកាប់សម្លាប់ប្រពន្ធ នៅភូមិសេរីភាពឃុំដារ ស្រុកចិត្របុរី ខេត្តក្រចេះ ។

ប្រភពពីកន្លែងកើតហេតុឲ្យដឹងថា ជនរងគ្រោះឈ្មោះ តឹក សារុំ ភេទស្រី អាយុ៤០ឆ្នាំ ប្តីដែលជាជនសង្ស័យឈ្មោះ ឃីម ញ៉ច ភេទប្រុស អាយុ៤៥ឆ្នាំ ជាកសិករ នៅភូមិ ឃុំកើតហេតុខាងលើ ។
យោងតាមសាក្សីបញ្ជាក់ថា មុនពេលកើតហេតុជនសង្ស័យផឹកស្រាស្រវឹង រួចយកចបកាប់ កាប់ប្រពន្ធត្រូវចំឆ្អឺងជំនីខាងឆ្វេង និងដើមដៃ បណ្ដាលឲ្យស្លាប់ភ្លាមៗ នៅក្រោមផ្ទះ ។

ក្រោយកើតហេតុ សមត្ថកិច្ចជំនាញ បានធ្វើការឃាត់ខ្លួន ជនសង្ស័យជាប្តី ដេីម្បីកសាងសំណុំរឿង បញ្ជូនទៅកាន់សាលាដំបូងខេត្ត ចាត់ការតាមនិតិវិធី ៕