សិល្បៈ ៖ ក្នុងឆ្នាំ២០១៦នេះ សុខ ពិសី មិនត្រឹមតែប្រជាប្រិយភាពប៉ោងឡើងទេ សូម្បីតែការចេញ Show ច្រៀងតាមកម្មវិធីប្រគំតន្ត្រីនៅតាមបណ្ដាខេត្ត និងរាជធានីនាងក៏ទទួលបានច្រើន ហើយ Show ដែលនាងបង្ហាញវត្តភាគច្រើនគឺជាកម្មវិធីធំៗ និងតម្លៃខ្លួនខ្ពស់ថែមទៀត។
សុខ ពិសី ប្រាប់ Kqube.net ថាក្នុងឆ្នាំនេះនាងទទួលបានការគាំទ្រច្រើនពីសំណាក់ទស្សនិកជន ខ្លាំងជាងឆ្នាំទៅ ហើយការងារចេញច្រៀង ក៏មានចំនួនច្រើនជាងឆ្នាំទៅផងដែរ។ កញ្ញាបន្តថា ក្នុងឆ្នាំ២០១៦នេះគ្រាន់តែការសម្ដែង Show ធំៗតម្លៃខ្លួនខ្ពស់ៗ នៅតាមបណ្ដាខេត្ត និងនៅក្នុងរាជធានីភ្នំពេញ គឺមានចំនួនជាង ៣០ Show ដោយឡែក Show តូចៗនាងមិនបានរាប់បញ្ចូលទេ។
ក្នុងបទសម្ភាសន៍នេះដែរ Kqube.net ក៏បានសុំឲ្យតារាចម្រៀង សុខ ពិសី បញ្ជាក់ប្រាប់តម្លៃខ្លួនដែលនាងទទួលបានក្នុងមួយឆ្នាំមានចំនួនប៉ុន្មានផងដែរ ប៉ុន្តែកញ្ញាបានប្រាប់ថា ជុំវិញបញ្ហាតម្លៃចេញសម្ដែងនាងសុំមិនបញ្ជាក់ប្រាប់តួលេខជាក់លាក់ទេ ព្រោះតម្លៃចេញសម្ដែងគឺមិនស្មើគ្នា ពោលគឺទៅតាមទីតាំងឆ្ងាយ ឬជិត ហើយបើក្រុមហ៊ុនណាទម្លាក់ Show ច្រើននាងក៏មានការយោគយល់ទៅតាមនោះផងដែរ៕
ផ្តល់សិទ្ធិដោយ៖KQUBE
