Sponsor

ចប់​កម្មវិធី ​The Voice ​ជិត​មួយ​ឆ្នាំ​គ្មាន​បទ​ច្រៀង​ តន់ ច័ន្ទសីមា ​និពន្ធ​បទ​ថ្មី​ច្រៀង​ខ្លួន​ឯង​

សិល្បៈ ៖ រហូត​មក​ដល់​ពេល​នេះ​កម្មវិធី​ The Voice Cambodia រដូវ​កាល​ទី​ពីរ​បាន​បញ្ចប់​ទៅ​មាន​រយៈពេល​ប្រមាណ​ជា​មួយ​ឆ្នាំ​ហើយ​ ពេល​វេលា​នេះ​បេក្ខភាព​កញ្ញា​ តន់ ច័ន្ទសីមា ​ក៏​បាន​ទន្ទឹង​រង់ចាំ​ការ​ទម្លាក់​បទ​ចម្រៀង​ពី​ផលិតកម្ម​ ហង្សមាស ​ឡើង​ស្ងួត​ជើង​ធ្មេញ​ទៅ​ហើយ​។ ទើប​តែ​នៅ​ពេល​នេះ​កញ្ញា​បាន​សម្រេចចិត្ត​និពន្ធ​បទ​ចម្រៀង ​Original Song ​នឹង​ច្រៀង​ដោយ​ខ្លួន​ឯង​បាន​មួយ​បទ​ហើយ​ គឺ​បទ​ “Bigo Live ​ជួប​ស្នេហ៍​"។​ ​

ផ្ដល់​បទសម្ភាសន៍​ជា​មួយ ​Kqube.net​ កញ្ញា ​តន់ ច័ន្ទសីមា ​បាន​ប្រាប់​ថា ​ក្រោយ​ពី​ធ្លាក់​ពី​កម្មវិធី​ The Voice Cambodia​ រដូវ​កាល​ទីពីរ​ភ្លាម​នាង​មាន​ផលិតកម្ម​ជា​ច្រើន​បាន​ទាក់ទង​ហៅ​ធ្វើ​កុងត្រា​ ប៉ុន្តែ​នាង​មិន​ទៅ​ ព្រោះ​នៅ​ជាប់​កុងត្រា​ជា​មួយ​ ហង្សមាស​  ប៉ុន្តែ​ពេល​នេះ​សុពលភាព​កុងត្រា​របស់​នាង​ជិត​ផុត​ហើយ ​តែ​នាង​ក៏​មិន​ទៅ​ធ្វើ​កុងត្រា​ជា​មួយ​ផលិតកម្ម​ ផ្សេង​ដែរ​ គឺ​នាង​ងាក​មក​និពន្ធ​បទ​ចម្រៀង​ថ្មី​ និង​ចម្រៀង​ដោយ​ខ្លួន​ឯង​ស៊ើប​មើល​ទីផ្សារ​សិន​។ ​

តារា​ចម្រៀង​រូប​នេះ​បន្ត​ថា​ បើ​សិន​ជា​បទ​ “Bigo Live ជួប​ស្នេហ៍​" ចេញ​ Traile​ ទៅ​ជោគជ័យ​ នាង​នឹង​បន្ត​ផលិត​បទ​ចម្រៀង​ថ្មី​ៗ​ថែម​ទៀត ព្រោះ​ពេល​នេះ​នាង​ក៏​មាន​បទ​ចម្រៀង​ប្រមាណ​ជិត​ដប់​បទ​ផ្សេង​ទៀត​នៅ​ក្នុង​ដៃ​រួច​ហើយ​ ។

តារា​ចម្រៀង​រូប​នេះ​បន្ត​ថា​ បទ​ចម្រៀង​ “Bigo Live ជួប​ស្នេហ៍​" នេះ​ នាង​គ្រោង​ចេញ ​full Audio​ ក្នុង​ពេល​ឆាប់​ៗ​នេះ ​ហើយ​ប្រសិន​បើ​ជោគជ័យ​ខ្លាំង​មាន​ស្ពនស័រ​នាង​នឹង​ផលិត​ជា​ MV ​តែ​ម្ដង​៕

ចប់​កម្មវិធី ​The Voice ​ជិត​មួយ​ឆ្នាំ​គ្មាន​បទ​ច្រៀង​ តន់ ច័ន្ទសីមា ​និពន្ធ​បទ​ថ្មី​ច្រៀង​ខ្លួន​ឯង​
ចប់​កម្មវិធី ​The Voice ​ជិត​មួយ​ឆ្នាំ​គ្មាន​បទ​ច្រៀង​ តន់ ច័ន្ទសីមា ​និពន្ធ​បទ​ថ្មី​ច្រៀង​ខ្លួន​ឯង​
ចប់​កម្មវិធី ​The Voice ​ជិត​មួយ​ឆ្នាំ​គ្មាន​បទ​ច្រៀង​ តន់ ច័ន្ទសីមា ​និពន្ធ​បទ​ថ្មី​ច្រៀង​ខ្លួន​ឯង​

ផ្តល់សិទ្ធិដោយ៖KQUBE

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post
Sponsor