ខេត្តត្បួងឃ្មុំ៖ លោកយាយជរាម្នាក់ ដែលរស់នៅខេត្តត្បូងឃ្មុំ បានត្រឹមតែសោកស្តាយ ដោយសារលុយដែលគាត់ខំសន្សំតាំងពីចាប់ដៃគ្នាជាមួយប្តីរបស់គាត់ មិនហ៊ានចាយសូម្បីមួយរយរៀល រហូតបានចំនួន២៥០០០រៀល ដែលជាតម្លៃលុយពីសង្គមដើម តែពេលនេះលុយរបស់គាត់ទាំងនោះ មិនអាចចាយបាន ព្រោះតែហួសកាលកំណត់។
ក្នុងសំបុត្រលើលុយបានសរសេរថា "ប្រាក់លនណុល ពុំបានចាយមួយរៀលសោះ ខំរកស៊ីតាំងពីចាប់ដៃគ្នា មកឥតបានការសោះ។ ចំនួនប្រាក់ដែលរកស៊ីបានចំនួន ពីរយហាសិបម៉ឺន (២៥០០០រៀល) នៅសល់ទាំងអស់"។
ពេលនេះមានការលើកឡើងថា តើធនាគារជាតិអាចពិចារណា ក្នុងការប្តូរប្រាក់ដូចតម្លៃពីសង្គមដើម (លន់នល់) ជូនលោកយាយខាងលើបានដែលឬទេ ដោយចាត់ទុកថា ជាការលើកទឹកចិត្ត ដែលលោកយាយចេះទុកដាក់លុយពីសម័យដើម ដែលភាគច្រើនក្មេងៗសម័យបច្ចុប្បន្នមិនដែលបានឃើញ និងបានស្គាល់៕
ផ្តល់សិទ្ធិដោយ៖KQUBE
