រាជធានីភ្នំពេញ៖ គូព្រេងពីបុព្វជាតិរបស់មនុស្សម្នាក់ៗនៅលើសកលលោកនេះ សុទ្ធសឹងតែទេវតាបានកំណត់រួចទៅហើយថា មនុស្សរស់នៅអាស្រ័យនឹងភពផែនដីនេះ គឺត្រូវមានជីវិតគូ រវាងប្រុសនឹងស្រី ដើម្បីបន្តពូជពង្សបង្កើតកូនចៅជាបន្តបន្ទាប់ ទោះកើតក្នុងវណ្ណៈណា ឬមានពិការភាពក្តី ក៏នៅតែមានជីវិតគូដែរ។
ជាក់ស្ដែងដូចអ្នកទាំងពីរ ដែលកំពុងរៀបមង្គលការនៅក្នុងថ្ងៃនេះអញ្ចឹង ពិការភ្នែកដូចគ្នា ប៉ុន្តែនេះគឺជាថ្ងៃដ៏ពិសេសបំផុតសម្រាប់ខ្សែជីវិតរបស់ពួកគាត់។កូនក្រមុំកំលោះទូទៅនៅក្នុងថ្ងៃមង្គលបែបនេះ ពួកគេរីករាយ និងមោទនភាពចំពោះអ្វីៗនៅជុំវិញខ្លួន ដោយអាចមើលឃើញគ្រប់យ៉ាង ដោយឡែកសម្រាប់កូនក្រមុំកំលោះពិការមួយគូរនេះវិញ ថ្វីត្បិតតែគាត់ទាំងពីរមានសំណាងបានរៀបការជាមួយគ្នា ហើយធ្វើឲ្យអ្នកដទៃស្ញប់ស្ញែងជំនួសពួកគេក៏ពិតមែន ប៉ុន្តែអ្នកទាំងពីរមិនបានមើលឃើញថាខ្លួនឯងកំពុងមានសម្រស់ស្រស់ស្អាតបែបណានោះទេ ទោះគ្រងនៅសំលៀកបំពាក់ប្រពៃណីបែបនេះ ក៏ពួកគាត់មិនទទួលនៅអារម្មណ៍ចក្ខុថា ខ្លួនឯងមានរូបបែបណាដែរ។តែយ៉ាងណាសូមចូលរួមត្រេកអរចំពោះមង្គលការរបស់អ្នកទាំងពីរផង ដែលមានវត្តមានក្រុមសិល្បៈអ្នកនាង ចន ច័ន្ទលក្ខិណា និងអ្នកមានកិត្តិយសផ្សេងៗទៀត បានអញ្ជើញចូលរួមផ្តល់ជាកិត្តិយសកាលពីព្រឹកមិញនេះ។
ក្នុងនោះអ្នកនាង ចន ច័ន្ទ ក៏បានសរសេរសារបង្ហោះថា ទិដ្ឋភាពរួមនៃពិធីរៀបអាពាហ៍ពិពាហ៍ កូនក្រមុំពិការ និង កូនកំឡោះពិការនាព្រឹកនេះ ហើយក្រុមសិល្បៈយើងនិងចូលរួមបម្រើអាហារ និង ភេសជ្ជ ព្រមទាំងជួយដួសបាយម្ហូបដល់ជនពិការភ្នែកក្នុងកម្មវិធីរៀបការកូនកំលោះក្រមុំដ៏គួរឲ្យអាណិតនេះ"។ដូច្នេះមានន័យថា មង្គលការនោះក៏មានអ្នកសិល្បៈ និងភ្ញៀវកិត្តិយសផ្សេងៗទៀតចូលរួមផ្តល់កិត្តិយស ថែមទាំងបានជួយនៅកម្លាំងកាយផងដែរ ដូច្នេះកម្មវិធីទាំងមូលពិតជាមិនស្ងប់ស្ងាត់នោះទេ សូមជូនពរអ្នកទាំងពីរចាប់ដៃគ្នា មានសុភមង្គលក្នុងគ្រួសារ និងឆាប់មានកូនចៅបន្តវេន ហើយកុំឲ្យពិការដូចឪពុកម្ដាយ ដើម្បីពួកគេអាចជួយដល់ទាំងពីរបានប្រសើរនៅថ្ងៃក្រោយថែមទៀត។
សូមបញ្ជាក់ថា អាពាហ៍ពិពាហ៍ស្វាមីភរិយាថ្មីមួយគូ ដែលមានកូនក្រមុំកំលោះសុទ្ធតែជាអ្នកពិការភ្នែកដូចគ្នានោះ គឺកំពុងប្រារព្ធធ្វើនៅថ្ងៃទី៧ ខែកុម្ភៈ ២០១៧ នេះ នៅភោជនីយដ្ឋានផ្ទះម៉ែក្មេក២ ខណ្ឌជ្រោយចង្វារ ស្ថិតតាមបណ្ដោយផ្លូវលេខ ៦អា៕
ផ្តល់សិទ្ធិដោយ៖KQUBE
