កាលពីល្ងាចថ្ងៃទី ២២ ខែ មីនា ឆ្នាំ ២០១៧ វេលាម៉ោង ៦ និង ៣០ នាទីយប់មិញ ក្រុមជម្រើសជាតិកម្ពុជា បានប្រកួតចាញ់ក្រុមជម្រើសជាតិឥណ្ឌា ក្នុងលទ្ធផលលក្ខណៈបច្ចេកទេស២ទល់៣។
ក្នុងការប្រកួត៩០នាទីយប់មិញនេះ តាមក្បួនយុទ្ធសាស្ត្រថ្មីរបស់គ្រូបង្វឹកសញ្ជាតិប្រេស៊ីល លោក Leonardo Luiz បានដូរកីឡាករក្នុងតំបន់បម្រើ និងប្រយុទ្ធ តែលោកបានមិនបានដូរចេញនូវខ្សែការពារនោះទេ ទោះបីជាការប្រកួតនៅវគ្គទី២ទម្រង់លេងកូនក្រុមធ្លាក់ចុះបន្តិចបន្តួច ក៏ដោយពិសេសនៅដើមវគ្គ ដែលក្រុមកម្ពុជារបូតគ្រាប់បាល់២គ្រាប់ក្នុងរយៈពេល៤នាទី។
ក្នុងន័យនេះលោកបាននិយាយថា៖" ខ្ញុំចង់ឲ្យខ្សែការពាររបស់ខ្ញុំ លេងយល់ចិត្តគ្នាច្រើន មានបទពិសោធន៍លេងជាមួយឲ្យបានច្រើន ប្រសិនបើខ្ញុំប្ដូរ នឹងមានពិបាកក្នុងលេងសហការគ្នា ក្នុងការប្រកួតផ្លូវការនៅពេលក្រោយ។"
“សម្រាប់ ហួយ ផល្លីន ដែលខ្ញុំត្រូវប្ដូរចេញដោយសារគាត់មានការខ្សោយកម្លាំង ហើយកីឡាករទាំងអស់ដែលខ្ញុំប្ដូរចូលគឺចង់ឲ្យពួកគេ មានបទពិសោធន៍លេងជាមួយគ្នា ឲ្យបានច្រើនពិសេស គឺការយល់ចិត្តគ្នា " គ្រូបង្វឹកសញ្ជាតិប្រេស៊ីលបានបន្ត។ សូមបញ្ជាក់ថាខ្សែការពារកម្ពុជាបួនរូប ដែលលេងពេញ៩០នាទី មិនផ្លាស់ប្ដូរគឺ ខ្សែការពារស្លាបឆ្វេង វ័យក្មេងកម្ពស់មិនសូវបាន សឿត បារាំង របស់ភ្នំពេញក្រោន ការពារស្លាបស្ដាំ រស់ សំអឿនរបស់បឹងកេត ខ្សែការពារពេញដោយបទពិសោធន៍ សឿយវិសាល របស់ស្វាយរៀង និង សរ ពិសិដ្ឋ កីឡាករវ័យក្មេងរបស់ការពារជាតិ៕
ផ្ដល់សិទ្ធិដោយ៖KQUBE
