រាជធានីភ្នំពេញ៖ ស្រ្តីពោះធំម្នាក់ រួមជាមួយនឹងបក្សពួកប្រុសស្រី៣នាក់ទៀត ត្រូវបានសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ បានបញ្ជូនខ្លួនទៅតុលាការនៅព្រឹកថ្ងៃទី១១ ខែឧសភា ឆ្នាំ២០១៧នេះ ពាក់ព័ន្ធករណីគ្រឿងញៀនរួម និងថ្នាំញៀនចំនួន ២៥កញ្ចប់ (ប្រភេទម៉ាទឹកកក) ។
ជនសង្ស័យប្រុសស្រីទាំង ០៤នាក់នោះ ត្រូវបានកម្លាំងអាវុធហត្ថរាជធានីភ្នំពេញធ្វើការបង្ក្រាប និងឃាត់ខ្លួនបានកាលពីថ្ងៃទី០៨ ខែឧសភា ឆ្នាំ២០១៧ កន្លងទៅ ក្នុងនោះមាន៖
ទី១. ឈ្មោះ សូ លីដា ភេទស្រី អាយុ ២៧ឆ្នាំ ទី២. ឈ្មោះ សាន់ សុភ័ក្រ្ករស្មី ភេទ ប្រុស អាយុ ២២ឆ្នាំ ទី៣. អ៊ុច ឌីណា ភេទ ស្រី អាយុ ២០ឆ្នាំ ត្រូវបានកម្លាំងល្បាតអាវុធហត្ថខណ្ឌដូនពេញ ឃាត់ខ្លួនបាននៅវេលាម៉ោង១៧០០នាទី រួម នឹងថ្នាំញៀនចំនួន ១៩កញ្ចប់ នៅចំណុច ផ្លូវរថភ្លើង ម្តុំរោងចក្រឆ្នាំង សង្កាត់បឹងកក់១ ខណ្ឌទួលគោក រាជធានីភ្នំពេញ។
និងទី៤. ឈ្មោះ ហង្ស មុំ ភេទ ស្រី អាយុ ២៥ឆ្នាំ ត្រូវបានកម្លាំងអាវុធហត្ថខណ្ឌដូនពេញ ឃាត់ខ្លួនបាននៅវេលាម៉ោង២៣:០០នាទី រួម និងថ្នាំញៀនចំនួន ៦កញ្ចប់ នៅចំនុចផ្លូវរថភ្លើង សង្កាត់ស្រះចក ខណ្ឌដូនពេញ រាជធានីភ្នំពេញ។
