ប្រធានាធិបតីជាប់ឆ្នោតបារាំង វ័យ៣៩ឆ្នាំ លោក ម៉ាក្រុង (Emmanuel Macron) មុនពេលបោះឆ្នោតរូបលោកត្រូវបានប្រធានាធិបតី លោក François Hollande ប្រគល់ឲ្យតួនាទីជាមន្ត្រីសេដ្ឋកិច្ចបារាំង បន្ទាប់ពីធ្វើជាប្រធានវិនិយោគធនាគារ ដែលនាំឲ្យប្រាក់ zero មានតម្លៃកើនឡើងក្នុងរយៈពេលបីឆ្នាំកន្លងមក។
លើសពីនេះទៀតប្រធានាធិបតីទី២៥ រូបនេះ ក្រៅពីការងារសេដ្ឋកិច្ច ក្នុងឆ្នាំ២០១៤ លោកក៏ជាមន្ត្រីផ្នែកឧស្សាហកម្មទិន្នន័យឌីជីថល និងជាអតីតមន្ត្រីស៊ីវិលផងដែរ។ ក្នុងឆ្នាំ២០០៤ រូបលោកបានបញ្ចប់ការសិក្សាកម្រិតអនុបណ្ឌិតផ្នែកកិច្ចការសាធារណៈនៅមហាវិទ្យាល័យ Sciences Po ក្រោយមកបន្តផ្នែករដ្ឋបាលជាន់ខ្ពស់នៅសាលា Ecole Nationale d'Administration (ENA)។
ទន្ទឹមគ្នានោះដែរ លោកបានបម្រើការងារជា នាយកហិរញ្ញវត្ថុទូទៅក្នុងប្រទេសបារាំង ហើយក្នុងឆ្នាំ២០១២ ត្រូវបានប្រធានាធិបតីបារាំងចាត់ឲ្យធ្វើជា អនុរដ្ឋលេខាធិការទូទៅទៀតផង។ យ៉ាងណាមិញប្រជាធិបតីវ័យក្មេងរូបនេះ ក៏ត្រូវបានគេស្គាល់ថា មានភរិយាវ័យចំណាស់ ៦៤ឆ្នាំ ឈ្មោះ Brigitte Marie-Claude ដែលជាគ្រូបង្រៀនរបស់លោកនៅថ្នាក់វិទ្យាល័យ ក្នុងទីក្រុងប៉ារីសទៀតផង៕