បច្ចេកវិទ្យាថ្មីរបស់អ្នកស្រាវជ្រាវក្នុងអវកាស ដែលអាចធ្វើឲ្យភពមានពន្លឺបង្ហាញពណ៌កាន់តែច្បាស់ អនុញ្ញាតឲ្យអ្នកវិទ្យាសាស្ត្រមើលឃើញកញ្ចុំផ្កាយ ឬ កាឡាក់ស៊ី ដែលនៅជិត មានផ្កាយរាប់លាន ផ្កាយខ្លះស្ថិតនៅចម្ងាយ ២០ ម៉ឺនឆ្នាំពន្លឺ ។ បច្ចេកវិទ្យានេះធ្វើឲ្យអ្នកវិទ្យាសាស្ត្រអាចមើលឃើញ កាឡាក់ស៊ី បានច្បាស់បំផុតជាងពេលមុនៗ ។
កាឡាក់ស៊ីតូចមួយស្ថិតនៅក្នុងចក្រវាលខាងត្បូង គេអាចមើលឃើញដោយភ្នែកទទេ ប៉ុន្តែអ្នកវិទ្យាសាស្ត្រនៅមិនទាន់អាចពន្លល់បានច្បាស់នៅឡើយទោះជាប្រើប្រាស់តេឡេស្កុប ដោយសារតែមានពពកច្រើន និងធូលីដែលស្ថិតនៅចន្លោះផ្កាយនីមួយៗ ។ ភ្នាក់ងារនេះមានតេឡេស្កុបធំបំផុត និងទំនើបបំផុតលើពិភពលោក ។
តេឡេស្កុប VISTA របស់ភ្នាក់ងារស្រាវជ្រាវអឺរ៉ុប នៅលើវាលខ្សាច់ Antofagasta ប្រទេស ឈីលី បានឆ្លុះទៅក្នុងអវកាសនិងបង្កើតរូបភាពមានទំហំមួយលាន ៦ សែន gigapixel អនុញ្ញាតឲ្យអ្នកតារាសាស្ត្របង្កើតផែនទីនៃការផ្ដុំគ្នារបស់ផ្កាយរាប់លានក្នុងរាងទ្រវែង ដោយបង្ហាញរូបរាង ៣ ជ្រុង ។
ការសិក្សាផ្អែកលើរូបភាពថ្មីមួយបង្ហាញថា ផ្កាយភាគច្រើនក្នុងកាឡាក់ស៊ីតូននេះ ស្ថិតនៅឆ្ងាយពីគ្នាជាងផ្កាយក្នុងកាឡាក់ស៊ីដទៃដែលធំជាង ។ ភ្នាក់ងារស្រាវជ្រាវអឺរ៉ុប ចូលរួមដោយប្រទេស ១៦ គឺ អូទ្រីស បែលហ្សិក ប្រេស៊ីល សាធារណរដ្ឋឆេក ដាណឺម៉ាក បារាំង ហ្វាំងឡង់ អាល្លឺម៉ង់ អ៊ីតាលី ហុល្លង់ ប៉ូឡូញ ព័រទុយហ្គាល់ អេស្ប៉ាញ ស៊ុយអែត ស្វីស ចក្រភពអង់គ្លេស និង ឈីលី ។
