រដ្ឋាភិបាលទីក្រុង មូស្គូ បានសម្រេចចិត្តមិនផ្ដល់ទឹកប្រាក់ប្រមាណជា ១០លានអឺរ៉ូ ទៅឲ្យកញ្ជប់ថវិកានៃក្រុមប្រឹក្សា អឺរ៉ុប (CoE) ហើយថែមទាំងធ្វើការពន្យារពេលចូលរួមប្រជុំទៀតផង។
សមាជិកសភារុស្ស៊ី លោក Vyacheslav Volodin បានលើកឡើងថា ទីក្រុង មូស្គូ បានពន្យារពេល មួយភាគបី នៃការផ្ទេរលុយចំនួន ១១លានអឺរ៉ូ ស្មើនឹង ១២.៣៩លានដុល្លារអាមេរិក ទៅឲ្យ CoE សម្រាប់ ចំណាយទៅលើការងារ សិទ្ធមនុស្សអន្តរជាតិ នៅក្នុងឆ្នំា ២០១៧នេះ។
លោក សង្កត់ធ្ងន់ថា "ការផ្ទេរថវិកា ត្រូវបានជាប់គាំង ដោយសារមានបញ្ហាផ្នែកហិរញ្ញវត្ថុ ដូច្នេះចំនួនទឹកប្រាក់មួយភាគបីសម្រាប់ CoE នៅចុងឆ្នាំនេះ រុស្ស៊ីមិនបានប្រគល់ឲ្យនោះទេ”។
គួរបញ្ជក់ផងដែរថា ប្រទេសរុស្ស៊ីគឺជា សមាជិកឧបត្ថម្ភចម្បងមួយ ក្នុងចំណោម បារាំង អង់គ្លេស អាល្លឺម៉ង់ អុីតាលី និងសមាជិកថ្មីគឺ ប្រទេសតួកគី ដែលបានផ្ដល់ថវិកាជារៀងរាល់ឆ្នាំទៅឲ្យ CoE។ ការដកចេញជំនួយរបស់ប្រទេសមហាអំណាចមួយនេះ បានធ្វើឲ្យរូបិយប័ណ្ណរបស់អង្គការសិទ្ធមនុស្សមួយនេះមានការធ្លាក់ចុះ ត្រឹមតែ ៣៣លានអឺរ៉ូ ប៉ុណ្ណោះ៕
ប្រភព៖ Sputnik
