សារដ៍ក្ដុកក្ដួល ដែលសម្ដេច ហ៊ុន សែន និង សម្ដេចគតិ ព្រឹទ្ធបណ្ឌិតប៊ុន រ៉ានីហ៊ុនសែន អធិប្បាយពី លោក អ៊ិត សេដ្ឋា នៅលើហ្វេសប៊ុកផេគរបស់សម្ដេច អានរួចរឹតតែធ្វើនឹក ស្រណោះដល់លោក អ៊ិត សេដ្ឋា ទ្វេរដង ដែលខិតខំធ្វើការរហូតដល់សា្លប់ខ្លួនបែបនេះ។ ខាងក្រោមនេះជាខ្លឹមសារទាំងស្រុង៖
ក្មួយ អ៊ិត សេដ្ឋា ពេលនះរូបកាយក្មួយបានបាត់ពីភពផែនដីនេះរួចទៅហើយបន្សល់ទុក តែការស្តាយ ស្រណោះពីមនុស្សជាច្រើនដែលបានរាប់អានក្មួយ។
ប្រមាណ២០ឆ្នាំកន្លងមកនេះ ទំនាក់ទំនងរវាងក្មួយជាមួយពូនិងមីងប្រៀបដូចឪពុក ម្តាយនិងកូន។ ពូនៅចាំបាននូវអ្វីៗដែលក្មួយបានរៀបរាប់តាមលិខិត តាមទូរស័ព្វនិងការជួបក្មួយផ្ទាល់នៅផ្ទះពូនាឆ្នាំ២០១៥។ ពូនៅចាំបាននូវសំណូមពរដែលក្មួយបានសុំមកពូដើម្បីកសាងសាលារៀនដែលក្មួយធ្លាប់រៀន ម្តាយក្មួយធ្លាប់បង្រៀន និងកសាងទីអារ៉ាមនៅភូមិកំណើតរបស់ក្មួយ។
ក្មួយប្រុស ពេលក្មួយកំពុងត្រូវការសង្គ្រោះ និងរហូតពេលក្មួយចែកឋានពូកំពុងស្ថិតក្នុងពេលវេលារវល់ បំផុត គឺចំថ្ងៃបោះឆ្នោត។ តែទោះយ៉ាងណាមីងបានធ្វើទំនាក់ទំនងជាប្រចាំជាមួយ លោក ហ៊ុយ វណ្ណះ ដើម្បីបានដឹងពីស្ថានភាពរបស់ក្មួយ។
ការបាត់បង់ក្មួយប្រៀបដូចជាការបាត់បង់កូនប្រុសម្នាក់ដែលពុកនិងម៉ែនឹងរួមចំណែកជាមួយអ្នករាប់អានកូនជួយចិញ្ចឹមបីបាច់ចៅប្រុស ស្រីដែលនៅកំព្រានោះឡើយ។
លាគ្នាពីឋានខុសគ្នាដោយទឹកភ្នែកណាកូនប្រុសពុក៕
សូមជម្រាបជូនថា៖ ដើម្បីចូលរួមរំលែកទុក្ខ និងសម្រាលនូវការដោះស្រាយជាចាំបាច់ប្រមុខរដ្ឋាភិបាលក៏បានផ្ដល់ជំនួយថវិកាផ្ទាល់ខ្លួនចំនួន១ម៉ឺនដុល្លារ ដើម្បីសម្រាលការលំបាក ក៏ដូចជាទំនុកបម្រុងកូនៗរបស់អតីតពិធីកររូបនេះផងដែរ។ នេះបើតាមការទម្លាយចេញព័ត៌មានពីលោក ស៊ុយ វណ្ណៈ បញ្ជាក់ប្រាប់អ្នកសារព័ត៌មានក្នុងស្រុកនៅមុននេះបន្តិច៕
