រាជធានីភ្នំពេញ៖ កងយោធពលខេមរភូមិន្ទរបស់កម្ពុជា បានបង្ហាញវត្តមានលើកដំបូងក្នុងការប្រកួតបាញ់កាំភ្លើងលំដាប់អន្តរជាតិ នៅប្រទេសអូស្ត្រាលី ដែលមានឈ្មោះថា Australian Army Skill at Arms Meeting (AASAM) 2017 នៅ Puckapunal ប្រទេសអូស្ត្រាលី ដែលមាន១៨ប្រទេស សរុបចូលរួម២០០នាក់។
ក្នុងការបង្ហាញវត្តមានជាលើកទី១នេះ កងយោធពលខេមរភូមិន្ទខ្មែរប្រមាណ១២រូបចូលរួម ក្នុងនោះមានក្រុមបាញ់កាំភ្លើងរបស់កងយោធពលខេមរភូមិន្ទ និង កងរាជអាវុធហត្ថរាជធានីភ្នំពេញ ៥រូប ដោយលោកវរសេនីយ៍ទោ សៀ ទីន នាយរងសេនាធិការដ្ឋាន កងរាជអាវុធហត្ថរាជធានីភ្នំពេញដឹកនាំចូលរួម។
បើទោះបីក្រុមកងខេមរភូមិន្ទមិនអាចយកជ័យជំនះក្នុងការប្រកួតនេះក្តី ប៉ុន្តែវាមោទនភាពជាតិមួយរបស់កម្ពុជាដែលមានបង្ហាញសមត្ថភាពរបស់ខ្លួននៅលើឆាកអន្តរជាតិ សម្រាប់ការប្រកួតមួយនេះ។
