ក្រុងប៉ារីស៖ ផ្លែស្វាយកម្ពុជា នឹងកាន់តែមានទីផ្សារនៅបរទេស ដោយសារតែនៅវេលាម៉ោង១០ព្រឹកថ្ងៃអង្គារទី២៧ ខែមិថុនា ឆ្នាំ២០១៧ ក្រុមហ៊ុននាំចេញផ្លែស្វាយកម្ពុជា របស់ឯកឧត្តម ម៉ុង ឬទ្ធី និងភាគីក្រុមហ៊ុនបារាំងបានព្រមព្រៀងគ្នាចុះហត្ថលេខាលើកិច្ចព្រមព្រៀងបន្ថែមទៀតសម្រាប់ការបង្កើនការនាំផ្លែស្វាយចូលមកប្រទេសបារាំងនិងបែងចែក ទៅកាន់ទីផ្សារក្នុងសហគមន៍អឺរ៉ុបឱ្យបាន៥០០តោន ក្នុងឆ្នាំ២០១៧-២០១៨។
យោងតាមហ្វេសប៊ុកផ្លូវការរបស់ឯកឧត្តម ម៉ុង ឬទ្ធី បានឲ្យដឹងថា នៅក្នុងជំនួបចុះកិច្ចព្រមព្រៀងដើម្បីអនុវត្តការបង្កើនការនាំផ្លែស្វាយទៅសហគមន៍អឺរ៉ុបនេះ បានធ្វើឡើងនៅភោជនីយដ្ឋានទ្រីកូតាំង (TRICOTIN PARIS) ហើយក្នុងនោះភាគីបារាំងក៏បានស្នើសុំឱ្យភាគីកម្ពុជាយើងរៀបចំនាំផ្លែ ធូរេន និង ផ្លែសាវម៉ាវ យកមកបម្រើទីផ្សារនៅក្នុងសហគមន៍អឺរ៉ុបផងដែរ។
