ថ្មីៗនេះគូដណ្ដឹងតារាទឹកភ្នែក នី មុនីនាថ ដែលជាអាណិកជនខ្មែរអាមេរិក បានមកដល់ស្រុកខ្មែរ ជាថ្មីម្ដងទៀត ប៉ុន្តែវត្តមានរបស់លោកលើទឹកដីខ្មែរលើកនេះ មិនទាន់មានព័ត៌មានច្បាស់ថា លោកមកលេង ឬមករៀបចំពិធីមង្គលការនោះទេ។ ស្រាប់តែពេលនេះធ្លាយចេញព័ត៌មានពីគណនេយ្យហ្វេសប៊ុកអនាមិកមួយឈ្មោះ Vann Sina បានចេញសារគួរឲ្យចាប់អារម្មណ៍ថា នី មុនីនាថ បោកគូដណ្ដឹង ដោយនាងព្រមភ្ជាប់ពាក្យ តែពេលទទួលបាន វីសារ ចេញទៅរស់នៅសហរដ្ឋអាមេរិកនាងបែរជាមិនព្រមទៅវិញ។
នេះគឺជាសារក្នុងគណនេយ្យ ហ្វេសប៊ុកឈ្មោះ Van Sina "តារាសម្ដែង នី មនីនាថ ពិតជាពូកែសម្ដែងមែន កុំថាឡើយតែក្នុងខ្សែភាពយន្ត សូម្បីតែក្រៅខ្សែភាពយន្ត ក៏ពូកែដែរហេតុតែដើម្បីលុយ តារាសម្ដែងម្នាក់នេះប្រើល្បិចបោកប្រាស់ សាហាវបំផុត ដោយយកការភ្ជាប់ពាក្យជាមួយបុរសអាណិកជនខ្មែរក្រៅប្រទេសម្នាក់នេះ ដើម្បីផ្ដល់ទំនុកទុកចិត្តអោយគូដណ្ដឹងម្នាក់នេះផ្ដល់លុយអោយ ទិញឡានជិះ ទិញដី និងធ្វើផ្ទះអោយនាង ថែមទាំងទិញគ្រឿងអលង្ការ គ្រឿងពេជ្រមួយចំនួនធំថែមទៀផង"។
ក្នុងសារនេះបន្តទៀតថា "ចុងក្រោយដល់ពេលសម្ភាសជាប់ ហើយធ្លាក់វីសារត្រូវទៅរស់នៅអាមេរិក នី មុនីនាថ បែរជាបដិសេធមិនទៅវិញ ហើយថែមទាំងសុំផ្ដាច់ពាក្យនឹងគូដណ្ដឹង។ទង្វើរបស់ នី មុនីនាថ មិនត្រឹមតែមិនផ្ដល់តម្លៃដល់ខ្លួនឯងនោះទេ ថែមទាំងធ្វើអោយអ្នកសិល្បៈដែលគេថ្លៃថ្នូរផ្សេងៗទៀត ត្រូវអាប់អោនដោយសារនាងតែម្នាក់គត់។ ហេតុដូច្នេះសូមអាណិកជនខ្មែរនៅក្រៅប្រទេសមួយចំនួន និងឧកញ៉ាដែលនៅក្នុងស្រុកខ្មែរ បើមានទំនាក់ទំនងស្នេហ៍ ជាមួយតារាសម្ដែង នី មុនីនាថ ម្នាក់នេះ គួរតែប្រុងប្រយ័ត្នអោយមែនទែន ដើម្បីកុំអោយចាញ់បោក ដូចអាណិកជនខ្មែរដែលនៅក្នុងរូបភាពនេះ តទៅទៀត"។
ជុំវិញព័ត៌មានក្ដៅដែលល្បីលើបណ្ដាញសង្គមហ្វេសប៊ុក នៅព្រឹកនេះ Kqube មិនទាន់ទទួលបានការឆ្លើយតបពី នី មុនីនាថ នៅឡើយ ព្រោះទូរស័ព្ទរបស់នាងមិនអាចទាក់ទងបាន។ ប៉ុន្តែជុំវិញព័ត៌មាននេះមានប្រិយមិត្តខ្លះដែលបានអះអាងថា មានខ្សែរយៈស្គាល់គូដណ្ដឹងមួយគូនេះបានចូលComment ច្រានចោលទាំងស្រុង តែក៏មានមតិទស្សនិកជនផ្សេងទៀត ក៏បានComment ក្នុងន័យទទួលស្គាល់ថា រឿងនេះជារឿងពិតផងដែរ ហើយក៏មានអ្នកខ្លះបានបន្ទោសគូដណ្ដឹង នី មុនីនាថ ថា នារីក្រៅសិល្បៈអ្នកត្រឹមត្រូវជាច្រើនមិនស្រឡាញ់ទេ ទៅស្រឡាញ់តារាភាគច្រើនគឺជួបរឿងមិនល្អ៕
