រដ្ឋាភិបាលកម្ពុជាគ្រោងនឹងសាងសង់ទីក្រុងថ្មីមួយឈ្មោះ «ទីក្រុងនាគរាជសម្តេចតេជោ» ដែលមានទីតាំងស្ថិតនៅប្រជុំ រវាងទន្លេសាប និងទន្លេមេគង្គ ដែលនឹងចំណាយទឹកប្រាក់ខ្ទង់ ៨០ ពាន់លានដុល្លារ តែបច្ចុប្បន្នកំពុងស្វះស្វែងរកដៃគូវិនិយោគពីវិស័យឯកជន ដើម្បីដំណើរការគម្រោងមួយនេះ នេះបើយោងតាម រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ លោក ភឿង សុភ័ណ្ឌ។
លោក ភឿង សុភ័ណ្ឌបានបន្តថា «៥៨០ឆ្នាំហើយ កម្ពុជាអត់ដែលសាងសង់ទីក្រុងថ្មីអីនោះទេ…អ៊ីចឹងហើយទើបយើងគ្រោងនឹងសាងសង់ទីក្រុងថ្មី ដាក់ឈ្មោះថា «ទីក្រុងនាគរាជសម្តេចតេជោ» ដើម្បីឲ្យត្រូវនឹងឆ្នាំកំណើតរបស់សម្តេច»។ នេះបើតាមការស្រង់សម្តីរបស់កាសែតភ្នំពេញប៉ុស្តិ៍។
ជាមួយនឹងការដាក់ឈ្មោះនេះដែរ លោក វិល្លាម បានធ្វើការបកស្រាយថា៖
មូលហេតុដែលគេដាក់ឈ្មោះថាទីក្រុងនាគរាជ មកពី ក្រុងនេះភ្លៀងម្ដងៗវាឧស្សាហ៍លិចទឹក ហេីយ ធម្មតាទីណាមានទឹក នាគវាចូលចិត្តលេង ចឹងហេីយបានគេដាក់ឈ្មោះថាទីក្រុងនាគរាជនឹង 😂😂
ការបកស្រាយខាងលើ ប្រហែលមិនចង់ឲ្យមានការលិចទឹកដូចទីក្រុងភ្នំពេញសព្វថ្ងៃហើយមើលទៅ តែយ៉ាងណានេះគ្រាន់តែជាការលើកឡើងបែបលេងសើច តែប៉ុណ្ណោះ។
