កណ្ដាលៈ សាកសពបុរសម្នាក់ ត្រូវបានប្រជាពលរដ្ឋប្រទះឃើញអណ្តែតទឹកចុងព្រែកហម ស្ថិតក្នុងភូមិព្រែកតាមេម ឃុំព្រែកស្តី ស្រុកកោះធំ ខេត្តកណ្តាល កាលពីម៉ោង៩ព្រឹកថ្ងៃទី១៣ ខែកញ្ញា ឆ្នាំ២០១៧។
សពមានឈ្មោះ សេង រតនា ភេទប្រុស អាយុ៣១ឆ្នាំ ជនជាតិខ្មែរ មានទីលំនៅៗ ភូមិខ្ពបក្រោម ឃុំខ្ពប ស្រុកស្អាង ខេត្តកណ្តាល (មានជំងឺសរសៃប្រាសាទ)។
បើតាមការរៀបរាប់ពីឈ្មោះ ទឹម ពៅ ភេទស្រី អាយុ៥២ឆ្នាំ ត្រូវជាម្តាយជនរងគ្រោះ បានឲ្យដឹងថា កូនរបស់គាត់មានជងឺសរសៃប្រាសាទ ហើយបានបាត់ពីផ្ទះ កាលពីថ្ងៃទី១១ ខែកញ្ញា ឆ្នាំ ២០១៧ វេលាម៉ោង១១យប់ ក្រោយមកគាត់ទទួលដំណឹងថា កូនប្រុសគាត់ឡើងជិះឡើងចិទូកដរ នៅភូមិខ្ពប ឃុំខ្ពប ស្រុកស្អាង ហើយគាត់ខំស្វែងរកដែរ តែរកពុំឃើញ។
ស្រ្តីជាម្ដាយបន្តថា លុះនៅថ្ងៃទី១៣ ខែកញ្ញា ឆ្នាំ២០១៧ វេលាម៉ោង៩ព្រឹក ប្រជាពលរដ្ឋប្រទះឃើញសាកសពកូនរបស់គាត់អណ្ដែតទឹកព្រែក ហើយបានរាយការណ៍មកគាត់ និងសមត្ថកិច្ចជំនាញ ដើម្បីពិនិត្យ។
យោងតាមការពិនិត្យឃើយញថា ជនរងគ្រោះ ពុំមានពាក់ព័ន្ធនឹងបទល្មើសផ្សេងឡើយ គឺពិតជាលង់ទឹកស្លាប់ប្រាកដមែន។ ក្រោយពិនិត្យរួច សមត្ថកិច្ចបានប្រគល់សាកសព ជូនក្រុមគ្រួសារយកទៅធ្វើបុណ្យតាមប្រពៃណី៕
