ចំណងស្នេហ៍រវាងអ្នកដឹកនាំសម្តែងបទ “មេឃកំពុងភ្លៀងហើយ” លោក ឃុន ធារិទ្ធិ ហៅ Rith Omega និងកញ្ញា វណ្ណ សិលា បានកើតឡើងមានរយៈពេលជាង១ឆ្នាំហើយ ដោយមានចាស់ទុំដឹងឮក្នុងពិធីភ្ជាប់ពាក្យកាលពីខែ កក្កដា កន្លងទៅ។ ទើបតែនៅពេលនេះពូកគេបានកំណត់ថ្ងៃចូលរោងការនៅថ្ងៃទី០៧ ខែធ្នូ និងកាត់ចំណងដៃនៅថ្ងៃទី១២ ខែធ្នូ ឆ្នាំ២០១៧ នៅសណ្ឋាគារសុខាភ្នំពេញ ដែលរៀបចំឡើងយ៉ាងធំមិនចាញ់តារាល្បីប្រចាំប្រទេសនោះទេ។
លោក ឃុន ធារិទ្ធិ ហៅ Rith Omega បានប្រាប់ Kqube ថា នៅពេលនេះពិធីមង្គមការរបស់លោកបានកំណត់ច្បាស់ហើយ គឺធ្វើឡើងនៅបាត់ដំបង ហើយពិធីនេះបានអញ្ជើញភ្ញៀវចូលរួមចំនួន៨០តុ និងមករៀបចំកាត់ចំណងដៃនៅសណ្ឋាគារសុខា ភ្នំពេញ ដោយបានហៅភ្ញៀវកិត្តិយសចំនួន៩០តុផ្សេងទៀត។
អ្នកដឹកនាំសម្តែងរូបនេះបន្តថា ពិធីង្គលការ និងកាត់ចំណងដៃ របស់លោកមិនទាន់អាចកំណត់ការចំណាយបាននៅឡើយ តែលោកគ្រាន់តែដឹងច្បាស់ថា ពិធីកាត់ចំណងដៃតម្លៃមួយតុ៤រយដុល្លារ និងដឺគ័រផ្កាស្រស់ជិត១ម៉ឺនដុល្លារ ដោយឡែកការដែលលោកហៅភ្ញៀវច្រើន គឺព្រោះប៉ាលោកជាមន្រ្តីរាជការ ងហើយរូបលោកក៏បានហៅអ្នកសិល្បៈច្រើន ។
លោក ឃុន ធារិទ្ធិ បន្តថា សម្រាប់ដំណើរកំម្សាន្តក្រេបទឹកឃ្មុំដំបូងឡើយលោកគិតថាទៅប្រទេសបារាំង តែដោយសារលោកទើបតែបានចំណាយលុយបើកហាងកាហ្វេបនៅបាត់ដំបងអស់ជាង៣ម៉ឺនដុល្លារ ដូច្នេះហើយទើបធីបគម្រោងចេញកម្សាន្តនៅបារាំង៕
