ភ្នំពេញៈ ក្រសួងការពារជាតិ នៅរសៀលថ្ងៃទី៣ ខែតុលា ឆ្នាំ២០១៧នេះ បានជូនដំណឹងដល់សាធារណជន ជាពិសេសបេក្ខជនដែលមានបំណងដាក់ពាក្យប្រឡងចូលក្របខ័ណ្ឌយោធា ឲ្យមានការប្រុងប្រយ័ត្នចំពោះជនខិលខូច ដែលឆ្លៀតឱកាសកេងចំណេញនៅក្នុងដំណើរការជ្រើសរើសពលទាហាន សម្រាប់យោធភូមិភាគទី១ កងទ័ពជើងគោកកម្ពុជា ឆ្នាំ២០១៧។
ក្នុងករណីមានជនខិលខូចប្រមូលប្រាក់ ដើម្បីសូកប៉ាន់ចូលក្របខ័ណ្ឌកងទ័ពជាតិខាងលើនេះ ក្រសួងការពារជាតិ ស្នើឲ្យផ្ដល់ព័ត៌មានទៅក្រុមការងារគណៈកម្មការជ្រើសរើសពលទាហានដោយផ្ទាល់ តាមរយៈទូរស័ព្ទលេខ 085 333 944 / 085 222 744 / 097 2666 241 / 097 2666 240 / 086 847 300 និងលេខ 086 685 570៕
