ភ្នំពេញៈ មានការភ្ញាក់ផ្អើលទាំងព្រឹក បន្ទាប់ពីគេប្រទះឃើញមានមនុស្សដេកស្លាប់ ក្នុងរថយន្តព្រូសមួយគ្រឿង នៅមុខក្លឹបកម្សាន្តរ៉ុក។
ហេតុការណ៍ការភ្ញាក់ផ្អើលនេះ បង្កឡើងកាលពីវេលាម៉ោង៤និង៣០នាទីទៀបភ្លឺថ្ងៃទី៩ ខែធ្នូ ឆ្នាំ២០១៧ នៅមុខក្លឹបកម្សាន្តរ៉ុក ស្ថិតភូមិ13 សង្កាត់ទន្លេបាសាក់ ខណ្ឌចំការ រាជធានីភ្នំពេញ។
សមត្ថកិច្ច បានឲ្យដឹងថា ករណីមនុស្សដេកស្លាប់ក្នុងរថយន្តម៉ាកព្រូស ពណ៌ស ពាក់ស្លាកលេខភ្នំពេញ 2AM-2186 ជនរងគ្រោះឈ្មោះ ហេង សីហា ភេទប្រុស អាយុ៣៣ឆ្នាំ ស្នាក់នៅផ្ទះលេខ4 ផ្លូវជាតិលេខ1 ភូមិព្រែក សង្កាត់ច្បារអំពៅ1ខណ្ឌច្បារអំពៅមុខរបរលក់ដូរ។
បច្ចុប្បន្នសមត្ថកិច្ចកំពុងធ្វើការត្រួតពិនិត្យនៅកន្លែងកើតហេតុ។ ចំណែកសព ត្រូវបានបញ្ជូនទៅវត្តច្បារអំពៅ ដើម្បីគ្រួសារចាត់ចែងធ្វើបុណ្យ៕
