កំពង់ឆ្នាំងៈ លោកគ្រូអ្នកគ្រូនៅក្នុងសាលាគរុកោសល្យ និងវិក្រិតការខេត្តកំពង់ឆ្នាំង ផ្ទុះប្រតិកម្ម និងមិនពេញចិត្ត នូវសកម្មភាពលោកនាយកសាលា បានកាប់ដើមឈើធំៗ ដែលមានអាយុកាលរាប់រយឆ្នាំនៅក្នុងសាលា និងជាម្លប់សម្រាប់ជ្រក ត្រូវបានលោកនាយកសាលាយកលក់ទៅឲ្យឈ្មួញដឹកចេញទៅដោយមិនបានពិគ្រោះយោបល់ជាមួយលោកគ្រូអ្នកគ្រូនៅក្នុងសាលានោះឡើយ ។
លោកគ្រូអ្នកគ្រូមួយចំនួន ដែលបម្រើការងារនៅក្នុងសាលាគរុកោសល្យ និងវិគ្រិតការខេត្តកំពង់ឆ្នាំង ដែលប្រតិកម្មក្នុងរឿងខាងលើនេះ បាននិយាយឲ្យដឹងថា ដើមច័ន្ទរីធំៗចំនួន៤ដើមនិងមានអាយុកាលរាប់រយឆ្នាំមកនោះ ត្រូវបានលោកនាយកសាលាគរុកោសល្យ និងវិក្រិតការខេត្តកំពង់ឆ្នាំង លក់ទៅឲ្យឈ្មួញ អារ កាប់ ដឹកជញ្ជូនចេញលើកទី១ នៅថ្ងៃទី៤ ធ្នូ បន្តដល់ថ្ងៃទី៣១ ធ្នូ ២០១៧កន្លងទៅ ដោយមិនបានពីគ្រោះយោបល់ជាមួយលោកគ្រូអ្នកគ្រូនៅក្នុងសាលនោះឡើយ គឺសម្រេចដោយខ្លួនឯង ហើយក៏ត្រូវបានលោកគ្រូអ្នកគ្រូដឹង ក៏ធ្វើការតវ៉ា។
នាយកសាលាគរុកោសល្យ និងវិក្រិតការខេត្តកំពង់ឆ្នាំង លោក ហ៊ូ ភារិន្ទ បានឲ្យដឹងតាមរយៈទូរសព្ទ័នៅវេលាម៉ោង១០និង២៦នាទីព្រឹកថ្ងៃទី៤ មករា ២០១៧នេះថា ពាក់ពន្ធ័នឹងការចោទប្រកាន់ខាងលើនេះ មិនមែនការពិតនោះទេ លោកសូមច្រានចោល ដោយលោកមិនបានការប្រជុំជាមួយលោកគ្រួអ្នកគ្រូនោះទេ គឺបានបង្កើតគណៈកម្មការត្រឹមត្រូវ ដើម្បីកាប់ដើមឈើមានអនុប្រធានមន្ទីរអប់រំយុវជន និងកីឡាខេត្ត ប្រជុំតាំងពីថ្ងៃទី១៦ ធ្នូ មកម៉្លេះ ខណៈដើមឈើធំៗខាងលើគ្របដណ្តប់គងមកលើអគារ ហើយនៅចំណុចនោះ ត្រូវធ្វើផ្លូវបេតុងមួយខ្សែរផង និងមិនមានការលក់ដូរនោះទេ។
អនុប្រធានមន្ទីអប់រំយុវជន និងកីឡាខេត្តកំពង់ឆ្នាំងលោក ញ៉ែម សាវ៉ាត បានឲ្យដឹងតាមរយៈទូរសព្ទ័នៅវេលាម៉ោង១០និង៣១នាទីព្រឹកថ្ងៃទី ៤ មករា ២០១៨ បានឲ្យដឹងថា លោកបានដឹងនៅពេលដែលមានផ្ទុះរឿងនេះឡើង ទើបលោកបានឃើញរបាយការណ៍ នឹងកំណត់ហេតុប្រជុំយកមកជូនលោក តែការកាប់ដើមឈើធំៗទាំង៤ដើម នៅក្នុងសាលាគរុកោសល្យ និងវិក្រិតការ មិនបានទាំងសុំការអនុញ្ញាតពីមន្ទីរអប់រំយុវជន និងកីឡានោះឡើយ។
យោងតាមប្រភពមួយ បានបង្ហើបឲ្យដឹងថា កិច្ចប្រជុំថ្ងៃទី៤ មករា ២០១៧នេះនាយកសាលាគរុកោសល្យខេត្តកំបង់ឆ្នាំង បានរងការស្តីបន្ទោសពីមន្ទីរអប់រំយុវជន និងកីឡាខេត្តកំពង់ឆ្នាំងថា ១-ការកាប់ដើមឈើមួយទាំងមូលនៅក្នុងសាលាអភិបាលខេត្តកំពង់ឆ្នាំងមិនបានដឹង។ ២ -មន្ទីរអប់រំយុវជន និងកីឡាខេត្តមិនបានដឹង។ ៣-អាជ្ញាធរប៉ុស្តិ៍រដ្ឋបាលពាក់ព័ន្ធមិនបានដឹងហើយ។
ប្រភពដដែលមិនបានបញ្ជាក់ពីការលក់ដើមចន្ទ័គីរីធំៗទាំង៤ដើមនៅក្នុងសាលានោះ បានប្រាក់ប៉ុន្មានទេ? ហើយថវិកាដែលបានមកពីការលក់ដើមឈើធំៗអាយុកាលរាប់រយឆ្នាំមកនោះមិនដឹងយកទៅខាងណាដែរ?
ពាក់ពន្ធ័និងករណីខាងលើនេះ លោកគ្រូអ្នកគ្រូ ដែលបំរើការងារនៅក្នុងសាលាគរុកោសល្យនិងវិក្រិតការខេត្តកំពង់ឆ្នាំង សូមធ្វើការអំពាវនាវទទូចដល់រដ្ឋមន្ត្រីក្រសួងអប់រំ លោកបណ្ឌិត ហង់ ជួនណារ៉ុន ក៏ដូចជាអភិបាលខេត្តកំពង់ឆ្នាំង លោក ឈួ ចន្ទ័ឌឿន មេត្តាមានវិធានការបន្ទាន់លើនាយកសាលាគរុកោសល្យ និងវិក្រិតការខេត្តលោក ហ៊ូ ភារិន្ទ ដែលបានយកតួនាទីចាត់ចែងធ្វើអ្វីៗនៅក្នុងសាលាមិន ដែលសាកសួរ និងពិគ្រោះយោបល់ជាមួយលោកគ្រួអ្នកគ្រូនៅក្នុងសាលានេះឡើយ ដោយធ្វើស្រេចតែចិត្តរបស់លោក សូម្បីតែមន្ទីរមិនបានដឹងផង និងនៅមានរឿងមិនប្រក្រតីជាច្រើនទៀតផងដែរ៕
