Loading...

Wednesday, March 14, 2018

គយ និងកាំកុងត្រូលច្រកចាំយាម បើកដៃឲ្យជនជាតិថៃ ជិះម៉ូតូកង់៣ មកលក់ដូរក្នុងស្រុកមណ្ឌលសីមា

អាម៉ាប៉ាប៉ាញ៉ូស

កោះកុងៈ មន្ត្រីគយ និងកាំកុងត្រូល ប្រចាំច្រកអន្តរជាតិចាំយាម ខេត្តកោះកុង បានអនុញ្ញាតឲ្យ​ជនជាតិ​ថៃ ជិះម៉ូតូកង់៣ ដឹកផលិតផលទឹកដោះគោជូមកលក់ដល់ស្រុកមណ្ឌលសីមា ខេត្តកោះកុង បានយ៉ាងរំ​ភើយ ដោយគ្មានត្រួតពិនិត្យ។

ប្រភពព័ត៌មានពីប្រជាពលរដ្ឋ បាននិយាយថា នៅរសៀលថ្ងៃទី១៤ ខែមីនា ឆ្នាំ២០១៨នេះ ​បានប្រ​ទះឃើញជនជាតិថៃ បើកម៉ូតូកង់៣ លក់ទឹកដោះគោជូនៅតាមឆ្នេរបាក់ខ្លង ក្នុងស្រុកមណ្ឌលសីមា ខេត្តកោះកុង បានដោយសេរី ហើយគ្មានការត្រួតពិនិត្យ។ ជនជាតិថៃនោះ លក់ទឹកដោះគោជូក្នុងមួយយួរតម្លៃ១០៥បាត បើគិតជាប្រាក់រៀលស្មើនឹង១៣,៥០០រៀល។

បើតាមការសាកសួរពីបុរសជាជនជាតិថៃរូបនេះ បានឲ្យដឹងថា រូបគាត់បើកម៉ូតូកង់៣ មកលក់ទឹកដោះជូ​ជារៀងរាល់ថ្ងៃ ដោយអាចលក់បានចាប់ពី២០ទៅ៣០យួរ និងអាចលើសពីនេះ។ ជនជាតិថៃរូបនេះ បន្តថា ការចូលមកលក់ក្នុងទឹកដីខ្មែរ ក្នុងស្រុកមណ្ឌលសីមា ខេត្តកោះកុងនេះ ដោយគ្រាន់តែបង់ថ្លៃចេញ-ចូលឲ្យទៅមន្ត្រីច្រកអន្តរជាតិចាំយាម ទាំងភាគីខ្មែរ និងថៃ ត្រឹមតែ៣០០បាតប៉ុណ្ណោះ។

តាមសេចក្តីរាយការណ៍បានឲ្យដឹងថា ចំណុចច្រកទ្វារអន្តរជាតិចាំយាម គយ និងកាំកុងត្រូល បើកឲ្យមានការចរាចរនាំទំនិញគ្រប់ប្រភេទ ​ដោយមិនបានបង់ពន្ធ ដោយសារមន្ត្រីប្រចាំច្រកទ្វារឃុបឃិតគ្នាបើកឲ្យភ្លើងខៀវ។ ក្នុងនោះ ក៏មានការលើកឡើងថា ការបិទ​ទ្វារ​ច្រក មានការយឺតយ៉ាវ លើសម៉ោងកំណត់ជារៀងរាល់ថ្ងៃ ព្រមទាំងលួច​បើកទ្វារព្រំដែនឲ្យរថ​យន្តដឹកទំនិញ ចេញចូលពេលយប់ជ្រៅៗផងដែរ។

ពាក់ព័ន្ធបញ្ហាខាងលើនេះ ភ្នាក់ងារអង្គភាពសារព័ត៌មាន Cam Post ប្រចាំខេត្តកោះកុង នឹងធ្វើការតាមដានរឿងនេះបន្តទៀត​៕

@Amapapa.News

Feature Ads