Monday, August 27, 2018

ឃាត់ខ្លួនបុរស​វៀតណាមម្នាក់​ ឈរសម្រួលចរាចរណ៍ ក្បែរភូមិគ្រឹះនាយករដ្ឋមន្រ្តី

អាម៉ាប៉ាប៉ាញ៉ូស

ភ្នំពេញៈ បុរសជនជាតិវៀតណាមម្នាក់ ត្រូវបានកម្លាំងនគរបាល​ប៉ុស្តិ៍​នគរបាល​រដ្ឋបាល​ចតុមុខ  ខណ្ឌដូនពេញ បានធ្វើការ​ឃាត់ខ្លួន កាលពីវេលាម៉ោង៩ថ្ងៃទី២៦ ខែសីហា ឆ្នាំ២០១៨ នៅចំណុចរង្វង់​មូលវិមាន​ឯករាជ្យ ផ្លូវព្រះសរាម្រិត  ភូមិ៣ សង្កាត់ចតុមុខ ខណ្ឌដូនពេញ  រាជធានីភ្នំពេញ  ពីបទធ្វើសកម្មភាពសម្រួលចរាចរណ៍ខុសច្បាប់ និងគ្មានលិខិតឆ្លងដែន។

ជនជាតិវៀតណាម ដែលត្រូវបានឃាត់ខ្លួនឈ្មោះ VO CONG DOAN  ភេទប្រុស  អាយុ៣១ឆ្នាំ មុខរបរ និងទីលំនៅមិនពិតប្រាកដ ។

ក្រោយឃាត់ខ្លួនសមត្ថកិច្ច ដកហូតសម្ភាររួមមាន ៖ អត្តសញ្ញាណបណ្ណកងទ័ពវៀតណាម  ១សន្លឹក អត្តសញ្ញាណបណ្ណប្រជាជនវៀតណាម ១សន្លឹក ប័ណ្ណបើកបរ១សន្លឹក ទូរស័ព្ទដៃ ម៉ាកណូគា១គ្រឿង កាបូបលុយ១ កូនកាំបិតចុងស្រួច២ ។

បច្ចុប្បន្នជនជាតិវៀតណាម  និងសម្ភារៈខាងលើ ត្រូវបានប្រគល់ជូនការិយាល័យអន្តោប្រវេសន៍ នៃស្នងការដ្ឋាននគរបាលរាជធានីភ្នំពេញ ចាត់ការបន្ត៕

@Amapapa.News

Feature Ads