Friday, March 1, 2019

សម្តេចតេជោ ត្រៀមចេញបទថ្មីមួយទៀត «បងជាទន្សាយ រត់បានឆ្ងាយ ដោយសារចាញ់ភ្នាល់»

ភ្នំពេញៈ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានថ្លែងថា សម្តេចបានត្រៀមចេញមួយបទថ្មីមួយ​ទៀត មានឈ្មោះថា បងជាទន្សាយ រត់បានឆ្ងាយ ដោយសារចាញ់ភ្នាល់។

ក្នុងឱកាសអញ្ជើញបើកការដ្ឋានសាងសង់មន្ទីរពេទ្យ «មិត្តភាពកម្ពុជា-ចិន ត្បូងឃ្មុំ» នៅថ្ងៃទី១ ខែមីនា ឆ្នាំ២០១៩ សម្តេចតេជោ បានថ្លែងថា នាពេលកន្លងមក សម្តេចបានតែងនិពន្ធបទចម្រៀងទទារយំឆ្លង តែរយៈពេល២០នាទីទេ រាប់ទាំងការបង្ហោះក្នុងហ្វេសប៊ុក។

សម្តេច បន្តថា ដូច្នេះមិនទាន់អស់ទេ នៅនិពន្ធមួយបទទៀត ដែលមានចំណងជើងថា “បងជាទន្សាយ រត់បានឆ្ងាយ ដោយសារចាញ់ភ្នាល់” ដើម្បីស្វាគមន៍ក្នុងឱកាសចូលឆ្នាំខ្មែរ នាពេលខាងមុខ ដូច្នេះពលរដ្ឋរាំលេងទាំងអស់គ្នាទៅ នៅថ្ងៃចូលឆ្នាំ។

សម្តេចលើកឡើងទៀតថា និពន្ធបទនេះឡើងមិនមែនសំដៅលើបុគ្គលណាមួយនោះទេ អីចឹងអ្នកខ្លះមានខ្លួនកុំរើសដាក់៕

Feature Ads