ខេត្តស្វាយរៀង៖ កាលពីវេលាម៉ោង១០ និង៤៥ នាទីព្រឹក ថ្ងៃទី១៦ ខែធ្នូ ឆ្នាំ២០១៩ បុរសម្នាក់ត្រូវបានប្រជាពលរដ្ឋប្រទះឃើញដេកស្លាប់ ក្រោយពេលដែលឮថាសមត្ថកិច្ចដេញចាប់ពាក់ព័ន្ធទៅនឹងករណីគ្រឿងញៀនដែលហេតុការណ៍ខាងលើនេះបានកើតឡើង។
យោងតាមសមត្ថកិច្ចបានឲ្យដឹងថាៈម្ដាយជនរងគ្រោះដែលស្លាប់នោះមានឈ្មោះ តូច សម្បត្តិ ភេទស្រី អាយុ ៤៨ឆ្នាំ មុខរបរកសិករមានទីលំនៅភូមិ ដំបូកជួរ សង្កាត់ ច្រកម្ទេស ក្រុង បាវិត ខេត្តស្វាយរៀង។
សមត្ថកិច្ចបានបន្តទៀតថា៖ដោយទទួលព័ត៌មានតាមទូរស័ព្ទថាៈកូនរបស់ខ្លួនឈ្មោះសំយ៉េនភេទប្រុសមុខរបរមិនពិតប្រាកដបានបង្កការអុកឡុកទារលុយគាត់ដើម្បីយកទៅទិញថ្នាំញៀនយកមកប្រើ និងព្រមទាំងគំរាមរកសម្លាប់គាត់។
លុះដល់ថ្ងៃត្រង់ថ្ងៃដដែលក៏មានប្រជាពលរដ្ឋបានទៅចង់គោក៏ប្រទះសាកសពលង់ទឹកស្លាប់រួចក៏បានរាយការណ៍ជូនសមត្ថកិច្ចតែម្តង។
សមត្ថកិច្ចបានបន្ថែមទៀតថា៖ក្រោយពេលទទួលបានព័ត៌មាននេះភ្លាមសមត្ថកិច្ចចុះមកដល់កន្លែងកើតហេតុទើបដឹងថាសាកសពមានឈ្មោះសំយ៉េនភេទប្រុសអាយុ២២ឆ្នាំបានស្លាប់បាត់ទៅហើយ៕
