Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor

សម្តេច ហ៊ុន សែន នឹងបញ្ឈរជើង​មន្រ្តីចាំតែ​រាយ​ការ​ណ៍ មិន​បញ្ចេញ​ស​ក​ម្មភាព​​ចេញ​ពី​តួ​នាទី

អានផ្សេងទៀត

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា នឹងដកមន្រ្តីរូបណា ដែលចាំ​តែរាយការណ៍ តែមិនធ្វើសកម្មភាព នៅនឹងកន្លែងចេញពីតួនាទី។ សម្តេចថ្លែងបែបនេះ នៅក្នុងពិធីប្រគល់សញ្ញាបត្រជូននិស្សិតសាកលវិទ្យាល័យវេស្ទើន នៅមជ្ឈម​ណ្ឌល​កោះ​​ពេជ្រ ព្រឹកថ្ងៃទី ១៨ ខែ ធ្នូ ឆ្នាំ ២០១៩។

ទន្ទឹមនឹងសង្កេតឃើញ មន្រ្តីមួយចំនួនអសកម្មនឹងការងារ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានព្រមានថា នឹងដកបញ្ឈរជើង​មន្រ្តីទាំង​នោះចេញពីតួនាទី។ ក្នុងន័យនេះ សម្តេចបញ្ជាក់ថា មន្រ្តីត្រូវតែដោះ​ស្រាយបញ្ហា​នៅ​នឹងកន្លែង ដើម្បីបង្ហាញពីសមត្ថភាព មិនត្រូវចាំតែរាយការណ៍ និងបន្ទោសថ្នាក់ក្រោម​នោះទេ។

ភ្ជាប់ជាមួយគ្នានេះ សម្តេចតេជោ ក៏បានរំលឹក និងលើកសរសើរអំពីសកម្មភាពជួយ​សង្រ្គោះពលរដ្ឋ ដែលរងគ្រោះដោយការបាក់អគារ នៅខេត្តព្រះសីហនុកន្លងមក ដោយសម្តេច មានប្រសាសន៍ថា មន្រ្តីថ្នាក់ក្រោមជាតិ ទាំងអភិបាលខេត្ត អភិបាលរង មេប៉ូលិស មេទាហាន មេប៉េអឹម បានរួមគ្នាប្រមូលកម្លាំងអន្តរាគម ដើម្បីដោះស្រាយ​បញ្ហាយ៉ាងសកម្មនៅនឹងកន្លែង។

សម្តេចថ្លែងបែបនេះ នៅក្នុងពិធីប្រគល់សញ្ញាបត្រជូននិស្សិតសាក​លវិទ្យាល័យវេស្ទើន​ចំនួនជិត ៣ពាន់នាក់ នៅមជ្ឈមណ្ឌលកោះពេជ្រ។ ទន្ទឹមនឹងនេះ សម្តេចតេជោ ក៏បាន​អំពាវនាវដល់សិស្សនិស្សិតអោយប្រឹងប្រែងសិក្សាបន្ថែមទៀត ដើម្បីអភិវឌ្ឍប្រទេ​ស​ជាតិ នៅថ្ងៃអនាគត៕

ផ្ដល់សិទ្ធិដោយ៖ KhmerNas
Sponsor