header ads

រំលងតែ1ថ្ងៃទៀតប៉ុណ្ណោះ មជ្ឈមណ្ឌល Hub Center ដ៏ធំរបស់ក្រុមហ៊ុន OPPO នឹងបើកដំណើរការ នៅប្រទេសម៉ាឡេស៊ី ក្រោមសន្និសីទខ្នាតអន្តរជាតិ “ផ្សារភ្ជាប់ទាំងអស់គ្នាដើម្បីអនាគត” ថ្ងៃទី 16 ធ្នូ 2019 នៅទី ក្រុងកូឡាឡាំពូរ ប្រទេសម៉ាឡេស៊ី។ អាស្រ័យហេតុនេះ ដើម្បីត្រៀមខ្លួនជាស្រេចសម្រាប់កម្មវិធីនេះ ក្រុមហ៊ុន OPPO បានតែងតាំងអ្នកជំនាញផ្នែកទីផ្សារម្នាក់ ដែលមានបទពិសោធន៍ដល់ទៅ 16 ឆ្នាំ ឈ្មោះថា លោក Bhaskar Thakur ជាប្រធានយុទ្ធសាស្ត្រទីផ្សាររបស់ខ្លួន ក្នុងការជម្រុញការអភិវឌ្ឍយុទ្ធសាស្រ្តទីផ្សារថ្មី និងបង្កើនឥទ្ធិពលស្លាកយីហោ តាមតំបន់នានាផងដែរ។

ដំណើរការជ្រើសរើសបុគ្គលិក ដែលមានទេពកោសល្យលំដាប់ស្ដង់ដារ ជាមួយនឹងផ្នត់គំនិតខ្ពស់ ក៏ដូចជាការយល់ដឹងពីតម្រូវការក្នុងស្រុក នឹងអាចជួយដល់ក្រុមការងារ OPPO ធ្វើការកាន់តែមានភាពស៊ីសង្វាក់គ្នា ដើម្បីឆ្ពោះទៅកាន់តារាងកំពូល។ ដូចដែលបានបញ្ជាក់ប្រាប់ខាងលើ ចំពោះជំនាញរបស់លោក Thakur គឺផ្ដោតលើយុទ្ធសាស្ត្រ នៃការផ្សព្វផ្សាយ, យុទ្ធសាស្ត្រផ្នែកទីផ្សារ និងព័ត៌មានឌីជីថល ហើយគាត់ក៏ធ្លាប់ជា អ្នកដឹកនាំទីភ្នាក់ងារអន្តរជាតិផ្សេងៗគ្នា ដោយរួមបញ្ចូលទាំង សេវាកម្មហិរញ្ញវត្ថុទូរគមនាគមន៍, ការធ្វើដំណើរទេសចរណ៍ និងពាណិជ្ជកម្មអេឡិចត្រូនិក ជាដើម។ ចំណែកឯគោលបំណងរបស់លោក គឺចង់នាំយកសកម្មភាពសំខាន់ៗ និងទស្សនៈថ្មីៗ ទៅកាន់អតិថិជនឲ្យយល់ច្បាស់ ពីម៉ាកយីហោរបស់ OPPO បន្ថែមទៀត។ ក្រុមហ៊ុន OPPO ក៏ជឿជាក់ថា ដើម្បីឈានទៅរកភាពជោគជ័យទៅបាន លុះត្រាតែមានការសហការ រវាង បុគ្គលិកដែលមានទេពកោសល្យក្នុងតំបន់ផ្ទាល់។

ដូច្នេះគឺជាដំណឹងថ្មីមួយនេះ ដែលខាង OPPO បានប្រកាសឲ្យដឹងទាក់ទងទៅនឹង ការតែងតាំងអ្នកជំនាញផ្នែកទីផ្សារថ្មី ធ្វើជាប្រធានយុទ្ធសាស្ត្រទីផ្សារ ដើម្បីពង្រីកបន្ថែមចក្ខុវិស័យ OPPO ទៅកាន់អនាគត។

 សូមរំលឹកថា បច្ចុប្បន្ន OPPO  កំពុងឈរលើចំណាត់ថ្នាក់លេខមួយនៅក្នុងកម្ពុជា និងប្រទេស 2 ផ្សេងទៀតនៅតំបន់អាស៊ីអាគ្នេយ៍ (ឥណ្ឌូនេស៊ី និង ហ្វីលីពីន) ហើយស្មាតហ្វូនដែលកំពុងទទួលបានការគាំទ្រ និងលក់ដាច់ខ្លាំងជាងគេប្រចាំនេះរួមមាន OPPO Reno2 F, Reno 2, Reno 10x Zoom 12GB, A9 2020 និង A5 2020។

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post