header ads

Sponsor

រដ្ឋាភិបាល​ទីក្រុង​ប៉េកាំង​បានប្រកាស​កាលពី​ថ្ងៃអាទិត្យ​ថា មន្ទីរពេទ្យ​មួយចំនួន​ក្នុង​ទីក្រុង​នេះ បាន​ប្រើប្រាស់​ថ្នាំ​ព្យាបាល​ជំងឺអេដស៍ ដើម្បី​យកទៅ​ព្យាបាល​អ្នក​ឆ្លង​វីរុស​កូ​រ៉ូ​ណា។

សេចក្តីថ្លែងការណ៍​រប​ស់​គណៈកម្មការ​សុខាភិបាល​ទីក្រុង​ប៉េកាំង​បាន​និយាយថា ពាក្យ​ចចាមអារាម​តាម​អ៊ិន​ធឺរ​ណែ​ត ដែល​បាន​លើកឡើងថា ថ្នាំ​ប្រឆាំងនឹង​ជំងឺអេដស៍​ត្រូវបាន​គេ​ប្រើ និង​បង្ហាញថា​មាន​ប្រសិទ្ធភាព​ក្នុងការ​ព្យាបាល​វីរុស​កូ​រ៉ូ​ណា។ គណៈកម្មការ​សុខភាព​ជាតិ​របស់​ប្រទេស​ចិន បាន​ណែនាំ​ឈ្មោះ​ថ្នាំ​ប្រឆាំង​ការឆ្លង​មេរោគ​និង​ព្យាបាល​ជំងឺអេដស៍ ដូចជា​ថ្នាំ Lopinavir និង Ritonavir ដែល​មាននៅ​ទីក្រុង​ប៉េកាំង ដើម្បី​ព្យាបាល​វីរុស​កូ​រ៉ូ​ណា។

សេចក្តីថ្លែងការណ៍​បាន​បន្ថែមថា មន្ទីរពេទ្យ​ចំនួន៣នៅ​ទីក្រុង​ប៉េកាំង ដូចជា​មន្ទីរពេទ្យ Beijing Ditan Hospital មន្ទីរពេទ្យ​Beijing Youan Hospital និង​មន្ទីរពេទ្យ​ No 5 Medical Center of PLA General Hospital បានចាប់ផ្ដើម​ប្រើប្រាស់​ថ្នាំ​ព្យាបាល​ជំងឺអេដស៍​ទាំងពីរ​ប្រភេទ​នេះ ជា​ថ្នាំ​ប្រឆាំង​វីរុសកូរ៉ូណា។

ថ្នាំ​ទាំងពីរ​ប្រភេទ​នេះ គឺ​ថ្នាំ​ប្រឆាំង​វីរុស ដែលមាន​មុខងារ​រារាំង​សមត្ថភាព​របស់​មេរោគ​អេដស៍ ក្នុងការ​ទៅ​បំផ្លាញ​ដល់​កោសិកា​ដែលមាន​សុខភាព​ល្អ និងការ​​បង្កើត​ឡើងវិញ ហើយជារឿយៗត្រូវបាន​គេ​ប្រើ​រួមគ្នា​ដើម្បី​ព្យាបាល​ជំងឺអេដស៍​នេះ។

ការស្រាវជ្រាវ​ថ្មី​លើ​ករណី​វីរុស​កូ​រ៉ូ​ណា​លើ​អ្នកជំងឺ​ក្នុង​ទីក្រុង​វូ​ហាន​ចំនួន៤១នាក់ ដែល​ត្រូវបាន​ចេញផ្សាយ​នៅក្នុង​ទស្សនា​វ​ដ្តី​វេជ្ជសាស្ត្រ Lancet កាលពី​ថ្ងៃ​សុក្រ​បាន​កត់សម្គាល់ថា ទទួលបាន​អត្ថប្រយោជន៍​យ៉ាងច្រើន ពី​ការប្រើប្រាស់​ថ្នាំ​ទាំងនេះ ក្នុងការ​ព្យាបាល​ជំងឺ​រលាក​ផ្លូវដង្ហើម​ធ្ងន់ធ្ងរ​ហៅថា​Sars ដែលជា​វីរុស​កូ​រ៉ូ​ណា​រាតត្បាត​មួយ​ក្នុងប្រទេស​ចិន​ក្នុង​ឆ្នាំ ២០០២ និង ២០០៣ ។

ទោះយ៉ាងណា ក្រុម​អ្នកជំនាញ​មកពី​វិទ្យាស្ថាន​ស្រាវជ្រាវ​វេជ្ជសាស្ត្រ​ជាច្រើន​នៅក្នុង​ប្រទេស​ចិនដីគោក ក៏បាន​និយាយ​ដែរ​ថា គ្មាន​វិធីសាស្ត្រ​ព្យាបាល​បែបនេះ ត្រូវបានគេទទួលស្គាល់​នោះទេ។

អង្គការ​សុខភាព​ពិភពលោក​បាន​និយាយ​នៅ​ថ្ងៃ​ច័ន្ទ​ម្សិលមិញ​ដែរ​ថា គេ​នៅ​មិនទាន់​ច្បាស់​ទេ​ថា តើ​វីរុស​ដ៏​គ្រោះថ្នាក់​នេះ អាច​ឆ្លង​ពី​ម្នាក់​ទៅ​ម្នាក់ទៀត មុនពេលវា​បាន​រោគសញ្ញា​ឬយ៉ាង​ណា​នៅឡើយ​ទេ។ វា​មិនបាន​បញ្ជាក់ភ្លាមៗនូវ​ការអះអាង​ដែល​ធ្វើឡើង​ដោយ​អាជ្ញាធរ​ចិន ថា​អ្នក​ដែល​ឆ្លង​អាច​ឆ្លង​ជំងឺ​នេះ មុនពេល​ពួកគេ​បង្ហាញ​រោគសញ្ញា​គ្រុនក្តៅ​ឬ​ពិបាក​ដកដង្ហើម​ឡើយ។

វីរុស​នេះ ត្រូវបាន​គេ​ជឿថា បាន​កើតឡើង​តាំងពី​ចុង​ឆ្នាំមុន​នៅក្នុង​ទីផ្សារ​អ៊ូ​ហាន​ដែល​លក់​សត្វព្រៃ​ខុសច្បាប់។ ភាគច្រើន​នៃ​វីរុស​នេះ មិនត្រូវ​បាន​គេ​ដឹង រួមទាំង​របៀប​ដែល​វា​រាលដាល​យ៉ាង​ងាយស្រួល និង​ថា​តើ​វា​មាន​គ្រោះថ្នាក់​ប៉ុណ្ណា៕

ប្រភព៖ South China Morning Post

ផ្ដល់សិទ្ធិដោយ៖ KhmerNas

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post