header ads

សំណង់អគារចំនួន៥២០សំណង់ ​នៅក្នុងខេត្តនេះ​ត្រូវបានគណៈ​កម្មការ​ បាន​ធ្វើ​ការត្រួតពិនិត្យ ក្នុងនោះ១៤សំណង់គឺត្រូវបានបញ្ជាឱ្យរុះចោលតែម្តង។ នេះ​បើ​តាម​ការបញ្ជាក់របស់លោក សេង ឡូត អ្នកនាំពាក្យក្រសួងរៀបចំដែនដី នគរូបនីយកម្ម និងសំណង់ នៅក្នុងសន្និសីទសារព័ត៌មានស្ដីពី «វឌ្ឍនភាព និងទិសដៅការងារបន្ដ​របស់​​ក្រសួង​​រៀបចំដែនដី នគរូបនីយកម្ម និងសំណង់» នៅព្រឹកថ្ងៃទី១៦ ខែមីនា ឆ្នាំ២០២០​។

បើតាមលោក សេង ឡូត នៅមានជាង១០០អគារផ្សេងទៀត គឺតម្រូវឱ្យមានការហៅ​ក្រុម​ហ៊ុនជំនាញ​ដើម្បីមក​ធ្វើកោសល្យវិច័្ចយដើម្បីឱ្យមានភាពច្បាស់​លាស់ថា​​តើអគារ​ទាំង​អស់នោះមានគុណភាពអាចបន្តសាងសង់បញ្ចប់ ឬប្រើប្រាស់បានហើយឬនៅ។


លោកបានសង្កត់ធ្ងន់ថា ក្រសួងបាន​ពិនិត្យលើការងារនេះយ៉ាងម៉ត់ចត់ ហើយ​ជាក់​ស្តែងពេលបច្ចុប្បន្ននេះ​ កម្ពុជាមានច្បាប់​សំណង់​ក្នុងការគ្រប់គ្រង និងចាត់វិធាន​ការ​នៅក្នុងវិស័យសំណង់នេះផងដែរ។ ចំពោះករណីការបាក់​រលំអគារនៅ​ខេត្តព្រះ​សីហនុ និងខេត្តកែបកន្លងទៅនោះ​បញ្ហាធំគឺបញ្ហាបច្ចេកទេស ដោយ​ក្នុងនោះ​ក្រសួង​បាន​រកឃើញនូវកំហុសនៃការធ្វេសប្រហែស ការគណនា​សំណង់ធ្វើមិន​បានត្រឹម​ត្រូវ ដែលជាហេតុនាំឱ្យសំណង់ទាំងនេះបានបាក់រលំ៕
ផ្ដល់សិទ្ធិដោយ khmernas
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post