សិល្បៈ
អាម៉ាប៉ាប៉ាញ៉ូសភ្នំពេញ៖ ប្រិយមិត្តប្រហែលជាមិនទាន់ភ្លេចទេ កាលពីឆ្នាំ២០១៦ កន្លងមក ក្មេងប្រុសម្នាក់ឈ្មោះ ធី (ហៅអាសី) ដែលមានសំឡេង និងច្រៀងពីរោះដូចទៅនឹងតារាចម្រៀងកញ្ញា សុខ ពិសី ដែលអ្នកលេងហ្វសប៊ុកគ្រានោះ ចាប់អារម្មណ៍ និងភ្ញាក់ផ្អើលយ៉ាងជាខ្លាំង ។
ប្រិយមិត្តប្រហែលជាឆ្ងល់ហើយថា តើអាសី បាត់មុខទៅណា ហើយរយៈពេលជាង៤ឆ្នាំមកនេះ មានអ្វីខ្លះដែលប្រែប្រួលសម្រាប់អាសី?
ពេលវេលាចេះតែដើរ ឯមនុស្សក៏មានការប្រែប្រួលមែន ជាក់ស្ដែងកាលពីពេលថ្មីនេះ ទើបនឹងលេចមុខអាសី សារជាថ្មី លោកអ្នកបើបានជួប សឹងតែមិនស្គាល់ដែរ ក្រោយបានឃើញរូបគេធំពេញរូបពេញរាង ជាពិសេសនោះបានប្រែទៅជាមនុស្សស្រី ដែលមានសម្រស់ស្រស់ស្អាតប្លែក មើលសឹងតែមិនស្គាល់តែម្តង។
វត្តមានជាមួយមុខមាត់ថ្មីនេះ គឺបានធ្វើឲ្យផ្ទះការចាប់អារម្មណ៍បន្ទាប់ពីផេគហ្វេសប៊ុក មួយឈ្មោះ Make Over បានបង្ហោះរូបភាពអតីត និងរូបបច្ចុប្បន្នរបស់ ធី ហៅសី ឲ្យឃើញ ដោយព្រមទាំងភ្ជាប់សារបញ្ជាក់យ៉ាងខ្លីថា៖
«អាសីធំហើយ! សម្រស់អូនក៏ប្តូរច្រើនដែរ!» ។
ជាមួយគ្នានេះដែរកាលពីថ្ងៃទី ១៩ ខែមិថុនា ឆ្នាំ ២០២០ បើតាមការផ្សាយរបស់សារព័ត៌មានក្នុងស្រុកមួយ ពិសីតូច បាននិយាយថា ពេលនេះរូបគេបានក្លាយជាស្រីបានពាក់កណ្តាលហើយ ដោយថ្មីៗនេះទើបកែដើមទ្រូងរួច ប៉ុន្តែ ល្វែងខាងក្រោមនៅជាប្រុសនៅឡើយ។
ទោះយ៉ាងណា ពិសីតូចទី២ ក៏បានបញ្ជាក់ថា នឹងត្រូវប្តូរភេ.ទទៅជាស្រីពេញលេញឲ្យបានឆាប់ៗខាងមុខនេះនៅក្រៅប្រទេស ប្រសិនបើ Covid-19 ពុំរាំងស្ទះ៕
សូមទស្សនាបទសម្ភាសន៍ទាំងស្រុងខាងក្រោមនេះៈ
រូបច្រើនទៀត
វីដេអូសម្ភាសន៍កាលពីពេលថ្មីៗ៖
វីដេអូចាស់ជាមួយ Peypey Dy