ទេសចរ
អាម៉ាប៉ាប៉ាញ៉ូសភ្នំ ឈ្ងោក វគ្គ២: ល្អាង ចក្កវាឡ
បើបានមកដល់ អ្នកនឹងបានយល់ដឹងអំពី ទិដ្ឋភាពរួមរបស់ល្អាងនាគខ្មៅ ចក្កវាឡ នៃភ្នំឈ្ងោក៖ កន្លែងប្រជុំបារមី រូងភពបី ទិសទាំងប្រាំបី។
ចក្កវាឡ ជាល្អាងធម្មជាតិស្ថិតនៅចម្ងាយ ២គ.ម ពីសា្ថនីយបុរេប្រវត្តិ ភ្នំក្បាលរមាស ឬភ្នំសេដាឱន។ ខ្មែរយើងជឿថា អ្នកតាមានកម្លាំងពូកែ និងមហិទ្ធិរឹទ្ធិអស្ចារ្យ ។ អ្នកតាជាបុព្វជនដែលកសាងភូមិស្រុកដំបូងបង្អស់ ឬជាមេកន្ទ្រាញ ជាមេទ័ពខ្លាំងពូកែ។
អ្នកតាខ្លះមានខ្ទម រោង អាស្រមជាលំនៅ ខ្លះគ្មាន។ អ្នកតាមានឋានៈមិនស្មើគ្នាទេ មានជាន់មានថ្នាក់តាមលំដាប់លំដោយ។ អ្នកតាមានពាសពេញប្រទេសកម្ពុជាដូចជាតាមភូមិ វត្តអារាម វាលស្រែ ចំការ ព្រៃភ្នំក្រំថ្ម ល្អាង ទន្លេ ស្ទឹង បឹងបួរ សមុទ្រ ដើមឈើធំៗ ទីទួលខ្ពស់ ៗជាដើម។ ល្អាងចក្កវាឡ ជាទីតាំងសម្រាប់អ្នកមានជំនឿលើទសបារមី។ ល្អាងនេះ សក្ត័សិទ្ធិណាស់។
ចក្កវាឡចូលរួមចំណែកយ៉ាងសំខាន់ ក្នុងការលើកតម្លៃសោភ័ណភាពធម្មជាតិភ្នំឈ្ងោក។ ភ្នំឈ្ងោកជាជម្រកសត្វនិង រុក្ខជាតិ ដែលយើងមិនទាន់បានដឹងថាមានប្រភេទកម្រ និងជិតផុតពូជអ្វីខ្លះដែលមានតម្លៃលេចធ្លោជាសកលសម្រាប់ការអភិរក្ស និងវិទ្យាសាស្ត្រ។
ភ្នំឈ្ងោកស្ថិតនៅភូមិបុស្សត្របែក ឃុំត្រពាំងព្រីង ស្រុកទឹកឈូ ខេត្តកំពត ចំងាយ១៣គីឡូម៉ែត្រ ពីក្រុងកំពត តាមផ្លូវជាតិលេខ៣៣។
លោករដ្ឋមន្ត្រីបរិស្ថាន៖«អ្វីដែលយើងបានដឹង តិចជាងអ្វីដែលមិនបានដឹង» ។ ដូច្នឹងហើយ ក្រសួងបរិស្ថាន សហការជាមួយអ្នកពាក់ព័ន្ធគ្រោងនឹងស្នើសុំរដ្ឋាភិបាលបង្កើតភ្នំឈ្ងោកទៅជាតំបន់បេតិកភណ្ឌសម្រាប់ជា មរតកមនុស្សគ្រប់ជំនាន់។