header ads

ព័ត៌មានជាតិ

អាម៉ាប៉ាប៉ាញ៉ូស

បញ្ជាក់នៅក្នុងកិច្ចពិភាក្សាតុមូល ពីសារប្រយោជន៍កិច្ចព្រមព្រៀងពាណិជ្ជកម្មសេរីកម្ពុជា-ចិន នៅថ្ងៃទី២៨ ខែកក្កដា ឆ្នាំ២០២០ នៅរាជបណ្ឌិត្យសភាពកម្ពុជា ឯកឧត្តមបណ្ឌិតសភាចារ្យ សុខ ទូច បានសង្កត់ធ្ងន់ថា បើសិនតម្លៃថ្លៃដើមកាន់តែទាប ឱកាសប្រកួតប្រជែង មានកាន់តែខ្ពស់។

ចំណែកលោកបណ្ឌិត គឺ សេរីវឌ្ឍន៍ ប្រធានមជ្ឈមណ្ឌលសិក្សាចិន នៃរាជបណ្ឌិត្យសភាកម្ពុជា បានបង្ហាញថា ផលិតផលបន្លែចិន មានតម្លៃថោកជាងផលិតផលក្នុងស្រុក ដូច្នេះកម្ពុជាអាចក្លាយជាកន្លែងបង្ហូរផលិតផលកសិកម្មបន្លែពីចិន ដូច្នេះត្រូវការឱ្យកម្ពុជា រៀបចំយុទ្ធសាស្ត្រត្រៀមខ្លួនទប់ស្ថានការណ៍នេះ។

វាគ្មិនកិត្តិយស៖ ឯកឧត្ដមបណ្ឌិតសភាចារ្យ សុខ ទូច (រូបស្ដាំ) និងលោកបណ្ឌិត គី សេរីវឌ្ឍន៍ (រូបឆ្វេង)
ឯកឧត្តម សុខ សុភ័ក្រ្ត (រូបស្ដាំ) និងក្រុមការងារក្រសួងពាណិជ្ជកម្ម (រូបជួរក្រោយ) និងឯកឧត្ដមបណ្ឌិត គិន ភា (រូបឆ្វេង)
ទិដ្ឋភាពទូទៅក្នុងកិច្ចប្រជុំពិភាក្សាតុមូលនាថ្ងៃទី២៨ ខែកក្កដា ឆ្នាំ២០២០ នៅក្នុងសាលមរតកសិល្បៈខ្មែរ អគារឥន្ទ្រទេវី នៃរាជបណ្ឌិត្យសភាកម្ពុជា

ប្រសិនបើការរៀបចំខ្លួនឆ្លើយតបនឹងកិច្ចព្រមព្រៀងពាណិជ្ជកម្មកម្ពុជា-ចិន មិនគ្រប់គ្រាន់ទេនោះ នឹងធ្វើឱ្យជញ្ជីងពាណិជ្ជកម្មរវាងប្រទេសទាំងពីរបាត់តុល្យភាព ហើយលំហូរពាណិជ្ជកម្មនឹងធ្ងន់ទៅខាងចិន។ លំហូរទំនិញពីចិននឹងហូរចូលមកទីផ្សារកម្ពុជា ហើយកម្ពុជា ត្រូវការរៀបចំខ្លួនជាចាំបាច់សម្រាប់ទប់លំហូរទំនិញរបស់ចិន ដើម្បីឱ្យកម្ពុជា អាចបង្កើនវិនិយោគនិងផលិតកម្មដែលអាចប្រកួតប្រជែងជាមួយផលិតផលនាំចូល ឬក៏សម្រាប់នាំចេញផលិតកសិកម្មទៅកាន់ទីផ្សារចិនវិញ។

បើសង្កេតពីសភាពនៃការធ្វើពាណិជ្ជកម្ម ឬតម្រូវការសម្រាប់ការនាំចេញទៅបរទេស តម្រូវការនៃផលិតផលត្រូវមានបរិមាណច្រើន ដែលត្រូវការឱ្យមានផលិតកម្មក្នុងទ្រង់ទ្រាយធំដូចគ្នា។ ឯកឧត្តមបណ្ឌិតសភាចារ្យ សុខ ទូច បានបញ្ជាក់បន្ថែមថា ការជំរុញផលិតកម្មតាមរយៈសហគមន៍កសិកម្ម ជារឿងចាំបាច់ ហើយនេះ ក៏មានន័យថាបានផ្ដល់ឱកាសដល់កសិករ ក៏ដូចជាផលិតករកម្ពុជា ឱ្យចូលរួមក្នុងផលិតកម្ម ជាពិសេសផលិតកម្មក្នុងវិស័យកសិកម្ម។

@Amapapa.News
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post