header ads

Sponsor

ឧត្ដរមានជ័យ៖ មន្ត្រីពន្ធដា និងអាវុធហត្ថបានឈ្លោះគ្នា ឈានដល់ការផ្ទុះអាវុធមួយគ្រាប់ បង្កឲ្យមានការភ្ញាក់ផ្អើល នៅម៉ោងប្រមាណ១៩ និង៣០នាទី ថ្ងៃទី០៤ ខែធ្នូ ឆ្នាំ ២០២០ នៅចំណុច ហាង តារា ស្ថិតនៅភូមិ ឃុំ ស្រុកត្រពាំងប្រាសាទ ខេត្តឧត្ដរមានជ័យ។

ករណីបាញ់គំរាម បង្កឡើងដោយឈ្មោះ គង់ តារា ភេទប្រុស អាយុ៤៨ ឆ្នាំ មុខរបរ មេបញ្ជាការ មូលដ្ឋាន អ ហ ស្រុកត្រពាំងប្រាសាទ បានដកកាំភ្លើងខ្លី ម៉ាកឡុក ១៩ បាញ់ចំនួន០១ គ្រាប់ គំរាម បង្ហើរ ខាងលើក្បាលជនរងគ្រោះ ឈ្មោះនូវ សារ៉ាវ័ន្ត ភេទប្រុស អាយុ៤៥ ឆ្នាំ មុខរបរ ប្រធានការិយាល័យ ពន្ធដារ ខេត្តឧត្ដរមានជ័យ មានទីលំនៅ ភូមិបុរីរដ្ឋបាល សង្កាត់ក្រុងសំរោង ខេត្តឧត្ដរមានជ័យ។

មូលហេតុដែលឈានដល់ការផ្ទុះអាវុធបែបនេះ គឺដោយសារ«ទាស់សម្ដី» ជាមួយឈ្មោះ នូវ សារ៉ាវន្ត័ ដោយ គង់ ដារ៉ា បង្ខំឲ្យផឹកស្រា ប៉ុន្តែ នូវ សារ៉ាវ័ន្ត មិនព្រមផឹក ពេលនោះ គង់ ដារ៉ា គំរាមបិទហាង ហើយក៏មានការ ឈ្លោះប្រកែកគ្នា រួចមក គង់ ដារ៉ា ក៏បានដក កាំភ្លើងខ្លី ម៉ាកឡុក១៩ បាញ់០១គ្រាប់ បង្ហើរទៅ លើក្បាល ឈ្មោះ នូវ សារ៉ាវ័ន្ត តែម្ដង។

ពេលនោះ ក៏មានជម្លោះកើតឡើង រវាង គង់ ដារ៉ា ជាមួយ (ម្ចាស់ហាងតារា) ឈ្មោះ ទូច ពុទ្ធា ភេទប្រុស អាយុ៣៥ឆ្នាំ បានបោកចាន នៅកន្លែង គង់ ដារ៉ា ផឹក បន្ទាប់មក ឈ្មោះ ម៉ៅស៊ី ណាត ហៅ ក្តាម ដែលជាមិត្តភក្កិ គង់ ដារ៉ា បានបោកកែវ ចំនួន០២ទៀត ដែលបណ្ដាល ខ្ទៀតអំបែងកែវទៅមុតដៃ គង់ ដារ៉ា មេអាវុធហត្ថស្រុកត្រពាំងប្រាសាទ ផងដែរ។

ពាក់ព័ន្ធករណីនេះ លោកឧត្តមសេនីយ៍ទោ ហួត សុធី ស្នងការនគរបាល ខេត្តឧត្ដរមានជ័យ បញ្ជាក់ប្រាប់សារព័ត៌មានថា គឺសុទ្ធតែគ្នាឯង ផឹកស៊ីទៅ អាក់អន់ចិត្តនឹងគ្នា ខាងអាវុធហត្ថ គេចាត់ចែងហើយ តាមវិន័យរបស់គេហើយ ខាងយើងអត់បាន ចូលទៅធ្វើអ្វីទេ គឺអាវុធគេធ្វើខ្លួនគេ។

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post