header ads

សៀមរាប៖ ករណីគ្រោះថ្នាក់ចរាចរមួយ ដោយរថយន្តធន់ធំដឹកទំនិញ បុករថយន្តមន្ត្រីគយ និងរដ្ឋាករពីក្រោយពេញទំហឹងបណ្តាលធ្លាក់ផ្លូវ ធ្វើឲ្យមានមនុស្ស៤នាក់រងរបួសធ្ងន់ និងស្រាល នារសៀលថ្ងៃទី២៣ ខែ​មីនា ឆ្នាំ២០២១ នៅលើដងផ្លូវជាតិលេខ៦៧ (ហាយវេ) ត្រង់ចំណុច​ចន្លោះបង្គោលគីឡូម៉ែត្រលេខ​ ១៥-១៦ស្ថិតនៅក្នុងភូមិតានី​ ឃុំរុនតាឯក ស្រុកបន្ទាយស្រី​ ខេត្តសៀមរាប ។

បើតាមមន្ត្រីនគរបាលចរាចរណ៍ស្រុកបន្ទាយស្រីបានឲ្យដឹងថា ករណីគ្រោះថ្នាក់ចរាចរណ៍រនេះ បង្កឡើងដោយរថយន្ត ម៉ាក HYUNDAI TRACTOR ពណ៌​ ស ពាក់ផ្លាកលេខ​ កំពង់ចាម3A- 6255 បេីកបរដោយឈ្មោះ​ នី​ គន្ធា​ ភេទប្រុស​ អាយុ​ ២៧ឆ្នាំ រស់​នៅ​ភូមិ​ប្រស្រែលេី​ ឃុំវិហារលួង ក្រុងសួងខេត្តត្បួងឃ្មុំ​ មានអ្នករួមដំណេីរ​ ម្នាក់ ក្នុងទិសដៅពីត្បួង​ទៅ​ជេីង ទៅបុករថយន្ត​មួយគ្រឿង​ទៀតពីក្រោយម៉ាក​ TOYOTA CAMRY 2007 ពណ៌​ ទឹកប្រាក់​ ពាក់ផ្លាកលេខ​ រដ្ឋ​10​. 2-​ 0285​ដែលបេីកបរដោយឈ្មោះ​ លិញ​ លោ​ ភេទ ប្រុស​ អាយុ​ ៣៤ឆ្នាំ​ រស់នៅភូមិ​ឪឡោក​ ឃុំបាគង​ ស្រុកប្រាសាទបាគង​ ខេត្តសៀមរាប​ ជាមន្ត្រីអាវុធហត្ថ មានអ្នករួមដំណេីរចំនួន០៣​នាក់​ក្នុងទិសដៅស្របគ្នា។

ក្រោយកើតហេតុសមត្ថកិច្ចជំនាញបានបញ្ជូនជនរងគ្រោះទៅមន្ទីរពេទ្យបង្អែក ហើយប្រមូលវត្ថុតាងមករក្សាទុកនៅអធិការដ្ឋាននគរបាលស្រុកបន្ទាយស្រី។

មន្ត្រីនគរបាល មិនបានបញ្ជាក់ពីមូលហេតុនៃគ្រោះថ្នាក់នោះ ផ្តើមចេញពីអ្វី ហើយអ្នករងរបួសជាអ្នកណាឡើយ តែប្រភពពីកន្លែងកើតហេតុបានអោយដឹងថា រថយន្តដែលធ្លាក់ស្នាមភ្លោះ ជារបស់គយនិងរដ្ឋាករ ដែលរួមដំណើរដោយមន្ត្រីអាវុធហត្ថ។

រថយន្តរងគ្រោះ បានបើកស្ទាក់ និងរារាំងរថយន្តដឹកទំនិញ ក្នុងគ្រាដែលរថយន្តទំនិញកំពុងមានល្បឿន ហើយរថយន្តមន្ត្រីគយនៅរេរ៉ពីមុខ ក៍ត្រូវរថយន្តបង្កបុកពេញទំហឹងតែម្តង។

យ៉ាងណាប្រភពមិនបានបញ្ជាក់ថា រថយន្តធ្លាក់ស្នាមភ្លោះនោះ ជាមន្ត្រីគយខេត្តឬមន្ត្រីគយក្រសួងនោះឡើយ៕

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post