ក្រសួងសុខាភិបាលធ្លាប់បានចេញសេចក្ដីប្រកាស ជម្រាបជូនដល់សាធារណជនទាំងអស់នៅក្នុងរាជធានីភ្នំពេញរួចហើយថា ក្រសួងបានអនុញ្ញាតជាផ្លូវការឲ្យសេវាសុខាភិបាលឯកជនចំនួន៣ ទីតាំង និងមានសិទ្ធិពិនិត្យ ថែទាំ និងព្យាបាលអ្នកជំងឺកូវីដ.១៩ ។
១. មន្ទីរពទ្យ សង់ត្រាល់ ផ្ទះលេខ ៨២# ផ្លូវលេខ១៥៤ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ។
២. មន្ទីរពទ្យ រ៉ូយ៉ាល់ ភ្នំពេញ ផ្ទះលេខ ៨៨៨ ផ្លូវសហព័ន្ធរ៉ុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ។
៣.មន្ទីរពហុព្យាបាលវិសាលសុខ ផ្ទះលេខ៨០ ផ្លូវមុនីរ៉េត សង្កាត់ទួលស្វាយព្រៃ២ ខណ្ឌចំការមន រាជធានីភ្នំពេញ។
ជាមួយនឹងចម្ងល់នៃការព្យាបាលនេះ ពហុព្យាបាល និងសម្ភព វិសាលសុខ បានបញ្ចេញតារាងព្យាបាល អ្នកជំងឺកូវីដ១៩ ដែលមានតម្លៃចាប់ពី ២៥០ដុល្លារ រហូតដល់ ១0០០ដុល្លារ សម្រាប់ការព្យាបាលនៅបន្ទប់ super VIP ខណៈបន្ទប់សង្គ្រោះបន្ទាន់ត្រូវចំណាយ១២០០ដុល្លារ។
ដោយតាមរយៈសេចក្តីជូនដំណឹង
ពីតារារាងតំលៃបន្ទប់ព្យាបាលអ្នកជំងឺកូវីដ-១៩ មានដូចខាងក្រោម៖
- តម្លៃសំរាកព្យាបាលសម្រាប់បន្ទប់ ម៉ាស៊ីនត្រជាក់គ្រែ 2 = 250$
- តម្លៃសំរាកព្យាបាលសម្រាប់បន្ទប់ ម៉ាស៊ីនត្រជាក់គ្រែ 4 = 250$
- តម្លៃសំរាកព្យាបាលសម្រាប់បន្ទប់ ម៉ាស៊ីនត្រជាក់ តូច = 400$
- តម្លៃសំរាកព្យាបាលសម្រាប់បន្ទប់ ម៉ាស៊ីនត្រជាក់ ធំ = 500$
- តម្លៃសំរាកព្យាបាលសម្រាប់បន្ទប់ VIP 700$
- តម្លៃសំរាកព្យាបាលសម្រាប់បន្ទប់ Super VIP 1,000$
- បន្ទប់សង្គ្រោះបន្ទាន់ 1,200$
តម្លៃខាងលើរួមទាំងថ្លៃបន្ទប់ ថ្លៃម្ហូបអាហារ ថ្លៃថ្នាំ ថ្លៃគ្រូពេទ្យពិនិត្យព្យាបាល
ថ្លៃសេវាគិលានុប្បដ្ឋាក ថ្លៃថត(x-Ray)ម្តង បើថតពីរដងគិតថែមម្តង60$។ ហើយម៉្យាង
ទៀតចំពោះថ្នាំមានតំលៃចាប់ពី 20$ ឡើងទៅត្រូវបង់បន្ថែម តែមុនប្រើគ្រូពេទ្យបានប្រាប់អ្នកជំងឺជាមុន តែថ្នាំដែលប្រើជាប្រចាំមានតំលៃក្រោម20$ មិនបង់ប្រាក់បន្ថែមឡើយ។
ធ្វើតេស្តមួយអាទិត្យដំបូងមិនគិតលុយទេ អាទិត្យទី2 ធ្វើតេស្តម្តង 130$ ហើយ 48ម៉ោង ធ្វើតេស្តម្តង 48ម៉ោងធ្វើតេស្តម្តង រហូតដល់អ្នកជំងឺអវិជ្ជមាន(Negative)បានចេញវិញ្ញាបនប័ត្រឲ្យអ្នកជំងឺទៅផ្ទះហើយធ្វើចត្តាឡីស័ក14ថ្ងៃ ។
គ្រប់អ្នកជំងឺទាំងអស់ដែលសំរាកព្យាបាលកូវីដ-១៩រយៈពេលយ៉ាងតិចបំផុត10ថ្ងៃ យ៉ាងយូរបំផុត20ថ្ងៃ ទៅតាមសភាពអ្នកជំងឺធ្ងន់ឬស្រាល ។
