អភិបាលខេត្តបញ្ជាក់ថា កម្មករបានសម្រុកចេញនេះ គឺកម្មករនៅរោងចក្រមួយផ្សេងទេ ដោយពួកគាត់ឃើញគេយកសំណាក គាត់ស្មានថាយកសំណាកពួកគាត់ទៀត

អភិបាលខេត្តស្វាយរៀង៖ កម្មករបានសម្រុកចេញពីរោងចក្រមួយកន្លែងគឺ បន្ទាប់ពីរកឃើញកម្មករនៅរោងចក្រមួយផ្សេង ចំនួន៥៤នាក់ វិជ្ជមានកូវីដ១៩

ឯកឧត្តម ម៉ែន វិបុល អភិបាលខេត្តស្វាយរៀង បានបញ្ជាក់ ថា «នៅព្រលប់ថ្ងៃទី២៦ ខែឧសភានេះថា ក្រុមគ្រូពេទ្យបានយកសំណាកកម្មករនៅរោងចក្រ អេ អេន ជេ ខេមបូឌា (A and J) តំបន់សេដ្ឋកិច្ចពិសេសតាយសេង ក្រុងបាវិត ខេត្តស្វាយរៀងចំនួន១០៨នាក់ ដោយក្នុងនោះរកឃើញ៥៤នាក់ មានវិជ្ជមានកូវីដ១៩ និងដឹកយកទៅ ព្យាបាលភ្លាម។
ឯកឧត្តមបានបញ្ជាក់ថា “អ្នកនាំគ្នារត់នៅរោងចក្រផ្សេងទេ" ដោយពួក គាត់ឃើញគេយកសំណាកគាត់ស្មានថា យកសំណាកពួកគាត់ទៀត ហើយគាប់ជួនដល់ម៉ោងគាត់ចេញពីធ្វើការផង ក៏នាំគ្នាសម្រុកចេញមកខាងក្រៅហើយវាច្រឡំចឹងទេ»៕ ប្រភព និងរូបភាព៖ រដ្ឋបាលខេត្តស្វាយរៀង