√ ក្រោយប្រកាសដកតំណែងអ្នកច្នៃឈុតតំណាងជាតិរបស់ខេត្តសៀមរាបទាំងយប់ ចំប៉ីខ្មៅទ្រាំមិនបានថានឹងធ្វើរឿងនេះស្អែកហើយ

សង្គម

បូ អាម៉ាប៉ាប៉ា

ដំណឹងដែលគួរឲ្យភ្ញាក់ផ្អើលតាំងពីយប់មិញមកម៉្លេះគឺ គណៈគ្រប់គ្រងកម្មវិធី «ប្រកួតកញ្ញាឯកដ៏អស្ចារ្យ ២០២១» បានប្រកាសដកតំណែងអ្នកច្នៃឈុតតំណាងជាតិរបស់ខេត្តសៀមរាបពីការប្រកួតលើវេទិកាអន្តរជាតិនាពេលខាងមុខ។

ការប្រកាសដកតំណែងយ៉ាងភ្លាមៗបែបនេះ សម្រាប់ឈុតតំណាងជាតិ គឺច្នៃម៉ូដតំណាងខេត្តសៀមរាប ដែលមានបង្ហាញរូបប្រាសាទអង្គរវត្តរបស់ខ្មែរ ជាអត្តសញ្ញាណសំខាន់មួយរបស់កម្ពុជា បានធ្វើឲ្យប្រិយមិត្តជាច្រើនសោកស្ដាយយ៉ាងខ្លាំង ដោយឈរលើហេតុផលនេះ មានការយល់ឃើញខុសៗគ្នា។

បើយោងតាមសេចក្ដីជូនដំណឹងកម្មវិធីបានបញ្ជាក់ចំពោះការសម្រេចនេះដោយយោងលើហេតុផល មូលហេតុគឺដោយសារតែអ្នកច្នៃឈុតតំណាងជាតិឆ្នើម(ក្រុមស្រមោល)បានប្រព្រឹត្តិខុសលក្ខខណ្ឌរបស់ក្រុមហ៊ុន ដែលមានចែងនៅក្នុងកុងត្រា ប្រការទី៣ ភាគីខ ត្រូមានការប្រុងប្រយ័ត្នខ្ពស់ហើយហ៊ានទទួលខុសត្រូវចំពោះការបង្ហោ រូបភាព ឬសារផ្សេងៗនៅលើបណ្ដាញសង្គមដែលអាចនឹងមានផលប៉ះ-ពាលមកលើប្រយោជន៍ និងកេរិ្ត៍ឈ្មោះរបសសាមីខ្លួន រួមទាំងក្រុមហ៊ុនផងដែរ។

ទី១.ធ្វើឲ្យមានការចុះផ្សាយព័ត៌មានខុសពីការប្រជុំជាមួយគណៈគ្រប់គ្រកម្មវិធី។ ចំណុចនេះបើតាមខ្លឹមសារនៅក្នុងសេចក្ដីជូនដំណឹង រាល់ការផ្ដល់ព័ត៌មានទៅអ្នកសារព័ត៌មាន ត្រូវមានការអនុញ្ញាតិគណៈគ្រប់គ្រងកម្មវិធី។

ទី២៖ រាល់ការផ្សព្វផ្សាយផ្សេងៗ ការបញ្ចេញមតិយោបល់ផ្សេងៗនៅក្នុងបណ្ដាញសង្គម និងការចរចាជាមួយក្រុមហ៊ុន ពុំមានការឲ្យតម្លៃលើកម្មវិធី និងខ្វះសីលធម៌។

ក្រោយសេចក្ដីសម្រេចនេះកម្មវិធី "ប្រកួតកញ្ញាឯកដ៏អស្ចារ្យ២០២១" បានផ្ទេរភារកិច្ចអ្នកច្នៃម៉ូដតំណាងជាតិសម្រាប់យកទៅប្រកួតក្នុងកម្មវិធីនេះលើវេទិកាអន្តរជាតិទៅឲ្យ អ្នកច្នៃម៉ូដតំណាងខេត្តព្រះសីហនុវិញ។

ជាមួយគ្នានេះដែរនៅព្រឹកថ្ងៃទី ២៩ ខែតុលា ឆ្នាំ២០២១នេះ លោក យិន ហេង ហៅចំប៉ីខ្មៅ វិញ បានប្រកាសដាក់ញត្តិទៅសមាគមមិត្តសិល្បៈស្ម័គ្រចិត្តជួយសង្គមដើម្បីអ.ន្ត.រាគមន៍។

លោកបានឲ្យដឹងថា ក្នុងនាមយុវជនមួយរូបដែលតែងតែគាំទ្រ កម្មវិធីប្រឡងប្រជែងបវកញ្ញានៃប្រទេសកម្ពុជាម្នាក់ខ្ញុំ ពិតជាមានការ ខ-កចិត្ត អ-ន់ចិត្ត និង ហួ-សចិត្ត នៅពេលខណៈវេលាមួយដែល សៀ-មបានច-ម្លងប្រាង្គអង្គរវត្ត នៅឯប្រទេសសៀ-ម ពេលនោះបងប្អូនពុកម៉ែ មានការខកចិត្តម្ដងរួចទៅហើយ តែនៅឡើយពេលនេះ មានការដកសិទ្ធិ ម្ចាស់ឈុតដំណាងជាតិ ខេត្តសៀមរាប មិនឱ្យទៅប្រកួតនៅលើឆាកអន្តរជាតិ ដែលកម្មវិធីនឹងត្រូវធ្វើនៅឯប្រទេសថៃ នាពេលឆាប់ៗខាងមុខដ៏ខ្លី

ថៃច-ម្លងប្រាង្គអង្គ នៅពេលដែលមានឈុតដំណាងអង្គរទៅប្រកួត មានពាក្យចចាមរាមថា គេមិនឱ្យយកទៅជាពិសេសគឺឈុតដំណាងខេត្តសៀមរាប ។ ខ្ញុំគ្រាន់តែសោកស្ដាយ ចំពោះរឿងដែលបានកើតឡើង អ្វីដែលខ្ញុំអាចធ្វើបាននាពេលនេះ នៅថ្ងៃស្អែកនេះជា ខ្ញុំនឹងដាក់ញត្តិទៅ សមាគមមិត្តសិល្បៈករស្ម័គ្រចិត្តជួយសង្គម ដើម្បីសុំអ-ន្ត-រាគមន៍ ក្នុងរឿងនេះ សូមអរគុណ